ياقارين اشعاري,

[عبسي الحمديني]

ياقارين اشعاري....كل يوم تزايد لهايب ناري.....فسبا الغلا والصوب

ياقارين كلامي....وياسامعين عبرتي ولامي.....لوتندرو ما من مواجع كامي...وقداش سكبات دمع انظاري

علي صوب خشيتا بقوا عزامي .......واليوم دردر دمعتي ياناري

وعقلي علي اللولاف دوم مرامي......وخطورهم يشغل جمع افكاري

ونقول ننساهم ايجو فحلامي ....... نكدب علي روحي فكدب اجباري

ونقول نلفاهم ايجن قدامي .......مواجع عربنا وناسنا وكباري

مالقيت من يفهم بجد ملامي .......ويوقف معايا مايجي فصداري

يقولوا الله غالب هدين قسامي......ردموا مناهل صوبنا وابياري


اسمور خداني ....وسميا السامر وفسمور نعاني......لساني نطق وجاب شوق معاني.....نوضح لغيري فحالتي واخباري

وانا اعجبتني غيت البراني.......ياهلي اعتقوني مانبيش انماري

كونوا معايا وحسبوا وجداني ......وخلو الزها يدخل ضلام ادياري

واثق وعارف معدني وعنواني......مانبيع فيه الصوب ديمة شاري

شوقي اكبر وفات دار مزاني....... انجيه ع الموعد وماني داري

زعم وين نلقاهم اللي في شاني.......يقفوا معايا في الوقت الطاري


ياعرب قولولي ..... وشوفوا سبايب حالتي وفتولي......خشيت في حرب الغلا بي طولي.......وحصلت فيها مواجهت لكياري

جيبوا دوا لي حالتي شوفولي........يبري مواجعنا ويخفي اسراري

احكوا اللي في بالكم وطرولي.......وعنكم خبر والله موش مواري

نفرح بقربت غايتي ووصولي.......نلقا افواهق شوق في انتضاري

والياس هاو شرف علي لنزولي.......ينصب احديا بيوت يصبح جاري

وكانا عجزتوا فراي غير ادعولي.....نزها بصوبه علن موش انداري

ياقارين اشعاري....كل يوم تزايد لهايب ناري.....فسبا الغلا والصوب


من اشعاري...........اسامة المقرحي