> ياعين سيلي وكثري دمعاتك

[عبسي الحمديني]

،،السلام عليكــم ورحمـة الله وبركاتــة ،،
ياعين سيلي وكثري دمعاتك ** علي من هجر بعد المحبه فاتك

سيلي ديمه ** بدمعك علي الحدين ديري غيمه
علي ناس هانوا عشرتي القديمه ** نبي تنعمي ياعين قبل مماتك
ايامك مشن ف الحب يالغشيمه ** خلاص انكسرتي ارفعي راياتك

هي سيلي ** ف صبح وعشيه وماتنامي ف ليلي
علي من هجر واخد امعاه دليلي** الغيه بحر ف امواجه خلاتك
ياريت مادرته فلان خليلي ** وياريت ماتبعتها خطواتك

سيلي هيه ** بكثره ف ليلي وفي اوقات عشيه
علي من هجر ياعين خان الغيه ** ياما نصايح ليك ماجاباتك
نجمك مع لولاف خافي ضيه ** اعي معايه وكثري دعواتك

تحياتي
--------------------