الكنتالوكي ((لزانية )) وخبزة محشية

[جليسة البحر]

صحتين فطوركم..


امس فطورنا شربة طبعا وامبطن وكانتالوكي وبوريك وفصوليا بالكرشة
وبوريك بالجبنة وبوريك بالدحي وسلاطة مايونيز وسلاطة الخضرة المشكلةوخبزة من اختراعي
بحشوتين مختلفتين.

http://img256.imageshack.us/img256/6017/96197657.jpg

اولا الكنتالوكي زي بنت اللزانيا


http://img695.imageshack.us/img695/9476/41201734.jpg


2كوب حليب..8ملاعق دقيق..ملعقتين زبدة..نص ملعقة صغيرة ملح

ونضربه بالمضرب الكهربائي لين يختر

وبعدها ناخد كمية بكاشيك كبير شوية ونصبه على الطاوة او الماكينة الخاصة بيه(مكينة الكريب)

ونخليه لين يطيب وبعدها نحط فيه الحشوة


الحشوة..

لحم مفروم الكمية اللي استخدمتها حوالي ربع كيلو وهادي تقدر تتحكم فيها كيف ماتبي

وملح وفلفل أسود .. رأس بصل يكون مفروم كويس وفص توم خليه في الزيت لين يذبل وبعدها ضيفي اللحم والملح والفلفل

وبعد ما يطيب زيديه جبنة مبشورة وبيضه باش يتماسك

وحطي في الكريب ولفيه وغطيه بصلصة طماطم (زي صلصة البيتزا)

وخلاص


تانيا الخبزة المحشية

http://img190.imageshack.us/img190/3476/63916173.jpg


الخبزة..

4أكواب دقيق + كوب حليب بودرة+رشة ملح+ملعقة سكر+ربع كوب زبدة
+ملعقتين خميرة سريعة وكوب ونص ماء للعجن

اعجني المكونات وخليها نص ساعة وبعدها اطرحي العجينة وشكليها حسب الرغبة


الحشوة..


الاولى .. تن وهريسة وزيتون اسود وزيتون اخضر وجبنة شرائح


التانية.. خديت بصل شوحته في الزيت وتومة وفلفل حلوو وطماطم مكعبات خليتهم على النار لين

نضجو كويس وحطيت زيتون وبطاطا مقلية بدنجال مقلي وقرعة مقلية وشوية دجاج مقطع مقلي وهريسة.


وخلاص


بالصحة عليكم ياحنة