BLOODY ROAR
2010-09-04, 11:42 AM
الشايب أحدا العزوز طال اقعاده ******** تعالوا معانا نسمعوا ميعادا
قالت : نـــــــــــــوض ياشيباني **** سبسيك من الدخان لين عماني
يثعبن رقي في الجو لين غطاني **** تحلف حريقه نارهــــــــا وقاده
أنت والرياضي صحبتك رباني **** أسنونك مشن والشيب زاد زيادة
تقول غر دايرلي الا بلعــــاني **** تسبس وترمي عالفراش رماده
وهراجك اللي خلف مرض في اوذاني**** تقول راديو عالي علي لحداده
وحتى وين مــا ايجـــينا اللي برانــي **** ما تصبله شاهيه من براده
مغير متكي ونا والبنــــات انعــــاني **** حتى مرفقك منا شكت الوسادة
ونا في الشقاء والهم طول زماني **** فلاحة ومسدة والحياة مرماده
وصغاري اللي ربيتهم في احضاني **** عليهم حملت المر ذقت انكاده
قديش ماحطيت فــــــي كشبـــــاني **** وزازيت بيهم ركبتي لوساده
وديتهم م القلب كـــــــــل حناني ***** أيـــــــام المعيشة عالعباد مكاده
وقديش ياما درت بين سواني **** غاب القمر والليل شين سواده
اللقط الطايح من نخل جيراني **** م الفجر لــــــــول سروة الجبادة
وياما سهرت ومامنامي جاني **** إن مرضوا عليهم دمعتي بداده
زيت البلاد وليم هن دويانـي **** وصرة تراب انديرها كمـــــاده
ولا فيه حاجة نذوقها بلساني **** الا وين ماشبعوا وفيه زيادة
وياما وياما ريت في صغراني **** ماضي مشى ما فايده في عواده
واليوم في نعمة الله عطاني **** كبروا ضناني وهم لي اسناده
مغير الشقاء مازال ماخلاني **** الا القلب متريح ونال مراده
ياالله ياعالم اللي جواني **** الدوم السعادة ماعليك مكاده
وبعدين رد عليها الشايب
الشايب قال : فأول بــــــــــــادي **** ترى غير صلي يامرا عالهادي
حتى اني رانـــي انــحب اولادي **** مانك اللي وحدك لهم وداده
عليهم خدمت سنين جاي وغادي**** ومامن شقا شفته صعيب عداده
من صغرتي بدن معاي أنكـــادي **** وين ماتواري بوي تحت لحاده
نحمد رحيلي كان سال الوادي **** اتشوفوا البرق ونقصدوه اقصاده
وقديش ماسافرت نــا وندادي **** في وطن خــالي بومته غراده
وقديش مارافقت ناس اجوادي **** الواحد تعزك رفقته وقعـــــاده
يسمع نداك يجيب وقت تنـــادي **** عنده جميع النـــاس كيف أولاده
وإن رافقت رافق زين خوده مبادي**** إلا العفن مامنه تنال افاده
طرابلس -بنغازي -البيضا-مسه**** أجولت فيهن غصب ماهي راده
اندور علي المليم بيش اندسه **** وتبعت مــــوال البنا ورشاده
واللي معاه العرف مايتوصى **** ايدير مايليق ويقبلوه انداده
قال : الواجب علي عملته **** في شانكم مامن عذاب حملته
وقسمي اللي مكتوبلي حصلته **** الا فوق منه ماريد زياده
وهذا كلامي واسمعوا ماقلته*** كريم ربنا يرزق معاش عباده
وخش الابن في الكلام وقال:
الأبن : قالوا المال ذهبية **** مفقود رايح والرجال اتجيبه
واللي وراها ليد موش صعيبة**** اذا كان متحدين موش فراده
وراهي حياة المرمده العطيبة**** اتشيب صغير السن قبل انداده
واسأل امجرب ينفعك تجريبه**** يفرج عليك الكرب بعد انكاده
ةابنادم زهى لأمه نهار تجيبه**** عليهم تزغرت لابسه لقلاده
ووين مارحل والموت هي القريبة**** ايديرن عليه النايحات معاده
والدنيا هوى فيها أمور عجيبة **** اتضحك تبكي مالهاش احداده
والمـــــال وين اديرله تسبيبه **** يعينك الله تسير في ميراده
وخالط الناس بود وتشرهيبه **** ولبي ندا مولاك وقت إن نادى
واصبر أن لاقاتك أمور صعيبة**** والصبر هو الأساس للعباده
القصيدة للشاعر المرحوم علي مفتا ح الاحمر
قالت : نـــــــــــــوض ياشيباني **** سبسيك من الدخان لين عماني
يثعبن رقي في الجو لين غطاني **** تحلف حريقه نارهــــــــا وقاده
أنت والرياضي صحبتك رباني **** أسنونك مشن والشيب زاد زيادة
تقول غر دايرلي الا بلعــــاني **** تسبس وترمي عالفراش رماده
وهراجك اللي خلف مرض في اوذاني**** تقول راديو عالي علي لحداده
وحتى وين مــا ايجـــينا اللي برانــي **** ما تصبله شاهيه من براده
مغير متكي ونا والبنــــات انعــــاني **** حتى مرفقك منا شكت الوسادة
ونا في الشقاء والهم طول زماني **** فلاحة ومسدة والحياة مرماده
وصغاري اللي ربيتهم في احضاني **** عليهم حملت المر ذقت انكاده
قديش ماحطيت فــــــي كشبـــــاني **** وزازيت بيهم ركبتي لوساده
وديتهم م القلب كـــــــــل حناني ***** أيـــــــام المعيشة عالعباد مكاده
وقديش ياما درت بين سواني **** غاب القمر والليل شين سواده
اللقط الطايح من نخل جيراني **** م الفجر لــــــــول سروة الجبادة
وياما سهرت ومامنامي جاني **** إن مرضوا عليهم دمعتي بداده
زيت البلاد وليم هن دويانـي **** وصرة تراب انديرها كمـــــاده
ولا فيه حاجة نذوقها بلساني **** الا وين ماشبعوا وفيه زيادة
وياما وياما ريت في صغراني **** ماضي مشى ما فايده في عواده
واليوم في نعمة الله عطاني **** كبروا ضناني وهم لي اسناده
مغير الشقاء مازال ماخلاني **** الا القلب متريح ونال مراده
ياالله ياعالم اللي جواني **** الدوم السعادة ماعليك مكاده
وبعدين رد عليها الشايب
الشايب قال : فأول بــــــــــــادي **** ترى غير صلي يامرا عالهادي
حتى اني رانـــي انــحب اولادي **** مانك اللي وحدك لهم وداده
عليهم خدمت سنين جاي وغادي**** ومامن شقا شفته صعيب عداده
من صغرتي بدن معاي أنكـــادي **** وين ماتواري بوي تحت لحاده
نحمد رحيلي كان سال الوادي **** اتشوفوا البرق ونقصدوه اقصاده
وقديش ماسافرت نــا وندادي **** في وطن خــالي بومته غراده
وقديش مارافقت ناس اجوادي **** الواحد تعزك رفقته وقعـــــاده
يسمع نداك يجيب وقت تنـــادي **** عنده جميع النـــاس كيف أولاده
وإن رافقت رافق زين خوده مبادي**** إلا العفن مامنه تنال افاده
طرابلس -بنغازي -البيضا-مسه**** أجولت فيهن غصب ماهي راده
اندور علي المليم بيش اندسه **** وتبعت مــــوال البنا ورشاده
واللي معاه العرف مايتوصى **** ايدير مايليق ويقبلوه انداده
قال : الواجب علي عملته **** في شانكم مامن عذاب حملته
وقسمي اللي مكتوبلي حصلته **** الا فوق منه ماريد زياده
وهذا كلامي واسمعوا ماقلته*** كريم ربنا يرزق معاش عباده
وخش الابن في الكلام وقال:
الأبن : قالوا المال ذهبية **** مفقود رايح والرجال اتجيبه
واللي وراها ليد موش صعيبة**** اذا كان متحدين موش فراده
وراهي حياة المرمده العطيبة**** اتشيب صغير السن قبل انداده
واسأل امجرب ينفعك تجريبه**** يفرج عليك الكرب بعد انكاده
ةابنادم زهى لأمه نهار تجيبه**** عليهم تزغرت لابسه لقلاده
ووين مارحل والموت هي القريبة**** ايديرن عليه النايحات معاده
والدنيا هوى فيها أمور عجيبة **** اتضحك تبكي مالهاش احداده
والمـــــال وين اديرله تسبيبه **** يعينك الله تسير في ميراده
وخالط الناس بود وتشرهيبه **** ولبي ندا مولاك وقت إن نادى
واصبر أن لاقاتك أمور صعيبة**** والصبر هو الأساس للعباده
القصيدة للشاعر المرحوم علي مفتا ح الاحمر