كل واحد يكتب احلى مسج وصله

[BLOODY ROAR]

هدا احلى مسج وصلنى ونحبه هلبه



لي قلب امفارق محبوبه يكابر عالجرح اللي فيه
ماسك دمعاته بهذوبـه يحساب البعـد اينسيـه
ثاريت النسيان اكذوبـة ماغالي ينسى غاليـه






يلا شباب تفاعل

[جليسة البحر]

كل ماجيت نتغلي يعاتبني الغلا

وكل ماجيت اجافيك يبدا قلبي يجافيني

وترا سؤالي عن حالك

نابع من زود الغلا فيني رديت ولا مارديت وصول المسج يكفيني

[BLOODY ROAR]

فعلا مسج جميل يا جليسة

[جليسة البحر]

لا جيتهم نشحت ولانجدا .غير قلبي حن ماقدرت انرده .وين جيتهم هملوني
.
كيف الغريب في جنبهم خلوني .لاسلموا ولارحبوالاجوني.مالقيت غير الجفا والصدا

.انكان الغوالي في الوسع صدوني .منهو اللي نلقاه وقت الشده

[جليسة البحر]

اهداء لقن ههههههههههههههه

يا مرهون أعملك إيه ..أنت مش طايقني ليه

[BLOODY ROAR]

وااااااااااااااااااااو :68::74:

[جليسة البحر]

خارج نطاق التغطية ياسـاده عزيـز باعنـي مـا رن فـي ميعـاده

ليش رخاني وخارج نطاق التغطية خلاني .انقول نتركه ايعاود حنيني ثاني .

نلقـاه منشغـل ويفوتنـي كالعـاده . خـارج نطـاق التغطيـة يـاسـاده


هادم احلي مسجات عندي

[جليسة البحر]

فاقد غلاك وخاطري متضايق ..

بعد غيبتك كيف يمسى الخاطر رايق ..

دقيتهاتفك ما قصدي إزعاجك فاقد غلاك ..

والقلب داعيلك وين ما أتخطى الخيرإيجيلك..

[BLOODY ROAR]

يا موحشين القلب ديرو رنة

كان الغلا مازال باقى منه

ــــــــــــــــــــــــــــــــــــــــــــــ


عندى قلب نحبه موت قليل الرنة سمح الصوت



مبسوط عايش فى الحياة متهنى مادام عندى حبيب ينشد عنى

[جليسة البحر]

مالي حد من غيرك رفيق غير الله ماعندي رجا ء غير ايطول الود

وتطول الطريق انعيشو خوت مادمنا احياء نعدك نفس ما انعدك رفيق انمثل فيك بنجوم السماء

[بينا]

صعيبة تشده تحبها وتحسب غلاها ماتقدر اتعده ... مانقدر انعده نحساب غلاها وافي كبير لابده ... واعرة تجي بتعده تلقى كتاب غلاها فاضي والسطر ماحبر شده ... تحبها بشدة والغلا فقلبها ناقص عليك بوده ... نقص غلاه بعد مالقلب شده بقوة ... ونسى ماضيه قبل سنين وتوا ... سنين غرامه الأول نساهن فيوم سمع صوتك ... والغرام تحول ليك ومانشد حتى على ماض صعيبة تشده

[جليسة البحر]

ودي الرحيــــل معـــاك .... ويـــن ما يشيــــل خطاك

نـــرحـل بــــلا تفكيـــر ... قــلبـــي معـــاك يطيــر

ونبقـــى قـــريـــب حــــداك

ودي نكـــون دليـــلـــك ... نبـقى الونيــس فــي ليــلك

انتـي زهــا مــشــــواري ... حبــــك شــــذا نـــواري

بيــك فرحـتي ومعــاك

ودي القســـامي اتجيبك ... ونـعيــش دوم حبــيـبك

تــزهـى معــــاك عيـوني ... وتظــــللك بجفـــوني

وايـــش الحيــاة لــولاك

انــي انـدللـــك وانــزيدك .... وانكـــون شمعـــة عيدك

نرحــل معـــاك نعــدي .... ومـــا انفـــارقك يـا ودي

والعمــر كلــه فــداك

[لولو كاتى]

ودي الرحيــــل معـــاك .... ويـــن ما يشيــــل خطاك

نـــرحـل بــــلا تفكيـــر ... قــلبـــي معـــاك يطيــر

ونبقـــى قـــريـــب حــــداك

ودي نكـــون دليـــلـــك ... نبـقى الونيــس فــي ليــلك

انتـي زهــا مــشــــواري ... حبــــك شــــذا نـــواري

بيــك فرحـتي ومعــاك

ودي القســـامي اتجيبك ... ونـعيــش دوم حبــيـبك

تــزهـى معــــاك عيـوني ... وتظــــللك بجفـــوني

وايـــش الحيــاة لــولاك

انــي انـدللـــك وانــزيدك .... وانكـــون شمعـــة عيدك

نرحــل معـــاك نعــدي .... ومـــا انفـــارقك يـا ودي

والعمــر كلــه فــداك

معنديش الروح معاها كلمات فى غاية الروعة مشكورة جليسة :72::l43:

[جليسة البحر]

هههه راك تهبلي بس

ليا وبس ,هذا شعوري ودوم بيه انحس,

عزيز خالقه ربي ليا وبس,ليا بروحي ,

ياللي شوفتك بلسم دوا لجروحي,

وانت عارف روحك اتشابه روحي

,والحب واضح دوم ومايندس,

ليا اوحدي عهد نبيه منك ما ادير بعدي

.اوحق من خلقني وكل ما في جهدي,ماننساك مادام بينا نفس.

[بينا]

ياصبر وين نلقوك . اتهون اغيابا علينا ، ياعزم بيش نشروك . ان كان دمع رانا بكينا ، ياجرح كيف ننسوك. وغالي غايب علينا ، ويانار كيف انطفوك . في الكف جمرك القينا ، ياعين راه يعموك. تبكي عليهم حزينة ، ياقلب ليش خلوك. في حال وظروف شينة ، يارجل كيف جروك . للخطأ وانتي رزينة ، ياخاطري كيف انرضوك . زعلان وتلوم فينا ، ياعمر كيف انردوك . اتعاود انعيشوا سنينا ، ويا فرح كيف انخلوك . غالي تبعد علينا

[جليسة البحر]

الله الله

والله كلام غير عادي اشق القلب شقان

تسلمي كلك دوق روعة

[جليسة البحر]

حنون امعاي لاتغيب عنى ولاتهون غلاي

خليك ياغالى حنون وافى

وخليك ديمه حنانك صافى

وانت النفس وانت دواى الشافى

وانت الغلا وانت حدود امناى

[بينا]

غلاك عندي بالسماء مرتفع فوق ، دايم مكانه ثابت عند حده ، مهو بسهم تحكمه حالة السوق ، ولاهو بسلعة تنتهي عقب مده ، قلبي يضخه في شرايين وعروق ، حب سماوي ماخلق من يرده

[لولو كاتى]

ميعاد مانك فيه ماله حس..

ولا ينطري ولا تقول فيه نفس.....

ماهو أرياف وبس..لك شوق في الخاطر وما يندس..

والقلب في أبعادك إيريد إنفس..

وحتي الكلام الزين لك يندس.. وما يسمعوه الغير بأي وسيلة..

ميعاد مانك فيه مانمشيله.

[جليسة البحر]

في خاطري نشكيلك وقصة حياتي كلها نحكيلك وفي خاطري نمشيلك نكمل

ايام العمر وانت معاي وفي خاطري فوق الرموش انشيلك ياروح قلبي

يا أسباب غلاي وراني من القلب ديما في الصلاة ندعيلك

[بينا]

عندي عواطف فايضه يالاكم وعندي مشاعر حب للاحباب وعندي لخاطر ياعزيز قداكم راحن مخاطيره ونوما طاب وعندي الروح بروحها تفداكم وعندي عيوني دمعها سكاب والقلب مايالف مغير غلاكم والكبد منك صادها مشهاب وتروق نفسي بالامان معاكم انتم اماني والامان اسباب

[بينا]

فى الدنيا مايسوى شىء كله تسخير وأقدار واللى نصيبك فيه ايجي بروحه بلا سابق اندار أرفع يدك للمولى شوى.يجيك الخير اغمار أغمار وياغالى على نبى نشوفك ديما صبار بحر الدنيا هايج وقوى .نبيك تكون أحسن عبار .ان ضاق الحال عليك شوى.نسمع منك لسرك ستار.عمرى ليك وانت لى هكى نبى انتمو المشوار.

[بينا]

ياعقل لاتتكدر اللى كاتبه ربى عليك امقدر , ماتشيل هموم ,والدنيا قديمة موش اليوم , اترقيك بالدرجة على سلوم , وين تحذفك منها تجى متحدر , وتسقيك بالعسل ترقد لذيذ النوم, ومرات تفجعك باللى عليك مقدر.

[BLOODY ROAR]

:74::74:

فعلا حلوات الرسايل يا بينا

مشكورة جدا جدا:72::l43: