شعر ليبي بمناسبة السنوات الضياع في ليبيا

[BLOODY ROAR]

شعر ليبي بمناسبة السنوات الضياع في ليبيا

هــذا جـيـل الـجـو الـفــايـح
قـلـيـل ربـايــح
ديـمـة نـص اللـيل ذوايـح
جــيل البريـوش
جيــل اللى دسـكه مـخـتــوش
طـاهق بـالمـوضـة مـغـشـوش
و مـنـهــا يـأخــذ سـوك رايـح
جيــل الشـوكـات
جيــل الجــل و الكـريمــات
لــو يـلقـى في الشـوكة يبات
حذا المدارس ديمة طايـح
جيل الباهى
جيل اللى في الكيكة لاهى
نسيوه بــريـريـد الشاهى
و ع المكياطة تما طايح
جيل الراب
لا يقرأ و لا يحل كتاب
ديما شاطح دون اسباب
و من الدخان خياله سايح
جيل الموضات
جيل آخرو احدث طرحات
يتبع ف الفيديو كليبات
و ماشي في التيار و رايح
جيل فضيحة
جيل نوادر آخر صيحة
في الجو مزنح تــزنيحـة
مع هيفا و روبي يصايح
جيل ال ok
جيل اللى يحكى بيديه
تتعب و انت تعدل فيه
و لا ما تثمر فيه نصايح
جيل التوخيرة
جيل يقلد في شاكيرا
و مسكر راسه تسكيرة
مقفول و مفتاحه رايح
جيل الشيشه
صارت في عقله تعشيشه
لا يعرف خدمة و لا معيشه
و يبى فلوس ايدير فضايح
جيل الغم
لا يقدر بوه و لا عم
و هابا كان نداته الام
نصايحها امغير نبايح
جيل الماكسيما
يبى راحه ديما ديما
لا يعرف ذوق و تبسيما
كلامه كله غير قبايح
يطلع في الحمرا بتبـريمه
يـزورق ودومـــانـه مـــايح
جيل النقال
ايكمل عمره غير اهبال
لا يكلف و لا يجيب المال
مكملها عركة و طرايح
جيل الجل
لا يعرف خدمة و عمل
يرقد نين العصر
ايهل يطنقش زينه و روايح
جيل الملفوف
جيل احباله جيل سيوف
جيل وساطه جيل اكتوف
ينابش في المسلم و السايح
جيل التنباله
جيل صياعه جيل رزاله
يا خسارة اعزيز حماله
راح تعبها ادموع نوايح
جيل الشم
لا يتاجر لا يدير غنم
زايدنا هم على هم
او كان نصحته يدير شطايح
جيل النوم
في غياته امغير ايعوم
وكنه اوعى و دار عزوم
انديرو له حضرة و ذبايح

[لولو كاتى]

مشكور قن على مجهودك قاريته من قبل :72::72:

[BLOODY ROAR]

قصدك انى قديم :l12::l12:

[لولو كاتى]

:129::129::129::129:

[BLOODY ROAR]

:129::129::129::129:

يا شماتة ابلة زازا فيا:(

[لولو كاتى]

اخرس هههههههههههههههه

[جليسة البحر]

شكرا علي القديم هههههههههههه

[BLOODY ROAR]

اخرس هههههههههههههههه

ان شاء الله يارب يجيك شعيب توة ويقعمز فى جنبك للساعه 4

[لولو كاتى]

ههههههههههههههه لالا راجع حالا