المساعد الشخصي الرقمي

مشاهدة النسخة كاملة : علاش الانترنت يفصل في ليبيا ؟؟؟ (شوف الصور)

MAD_MAN
2010-09-26, 02:28 AM
حبيت نعرف علاش يفصل الفترة هادي
لدلك حاولت كل طاقتي باش نغير كل شي في المودم
وما فيش فايدة
وعرفت شي واحد اكيد
وهو
ال تي تي عطت الفترة هادي شهر 9 عشرين قيقا لجماعة الواي ماكس والدي اس ال 20 Giga
به كويس
هما يشبحوا فيها هلبا
وحرام فيكم
به شينو بيديروا ؟؟
انت لما تجي تنزل من سيرفرات زي الرابيد شير افلام
علاش لانه ال تي تي عاطياتك 20 قيقا
وانت ما عندكش اكونت يعني على الفري
كويس
لما بتجي تنزل الملف
طبعا الملف ما يستحملش التقطيع
يعني لما بتنزل الملف لو فصل عليك الانترنت
لازم تنزله مرة ثانية
وفي حالة فصل مرات لازم تستنى دقائق باش يعطيك لينك جديد


الى حد الان بانت اللعبة
يعني على قولة المثل ( عاطيك النعجة وباله في كراعها )
به تبي تعرف كيف عرفت الشي هدا ؟
كويس فيه حاجة يقولولها بينج Ping
درت بينج لموقع قوقل والبنج هدا يستهلك اقل قدر ping -t -l 0.05 www.google.com (http://www.google.com)
اكتب الكود هدا في الرن
الكود هدا وكانه يشوف في النت متاعك متصل او لا
http://img812.imageshack.us/img812/2897/ltthate.jpg


وهنايا فيه استجابة يعني فيه انترنت
كويس
لكن اول ما درت تنزيل لملف من موقع رابيد شير او اي موقع ثاني متاع تحميل
شوف شنو صار
http://img31.imageshack.us/img31/1001/ltthate2.jpg



بدى يقطع في تقطيع مش عادي


وحسبي الله ونعم الوكيل
لولو كاتى
2010-09-26, 11:05 AM
يعني على قولة المثل ( عاطيك النعجة وباله في كراعها )

ههههههههههه مافيش حاجة تجى بلاش
BLOODY ROAR
2010-09-26, 07:24 PM
جت الحزينة تفرح مالقتلهاش مطرح
:(:(:(
حتى انى لاحظت الشى هدا انه الرابيدشير ايقطع هلبه او بنقولك عليها ونسيت
جليسة البحر
2010-09-30, 10:50 AM
جت الحزينة تفرح مالقتلهاش مطرح
:(:(:(
حتى انى لاحظت الشى هدا انه الرابيدشير ايقطع هلبه او بنقولك عليها ونسيت

صار انسيت باهي باه

:129::129:
MAD_MAN
2010-09-30, 10:53 PM
يعني على قولة المثل ( عاطيك النعجة وباله في كراعها )


ههههههههههه مافيش حاجة تجى بلاش


بالزبط يا لورد
رسمي
لاحظي توا في نهاية الشهر كيف ولا الخط 100% معاش فيه تقطيع
ماهو التاكو رجعوه لمكانه

حسبي الله ونعم الوكيل
مستر
2010-10-01, 04:26 AM
السلام عليكم
أولاً : كيف حالكم
ثانياً : أنا عضو جديد :69:
تالثاً : نحي الجميع "الأعضاء" و"الأدارة" .
و إن شاء الله نكون عند حسن ظن الجميع :72:
MAD_MAN
2010-10-01, 06:07 AM
السلام عليكم
أولاً : كيف حالكم
ثانياً : أنا عضو جديد :69:
تالثاً : نحي الجميع "الأعضاء" و"الأدارة" .
و إن شاء الله نكون عند حسن ظن الجميع :72:


مرحبتين بيك يا مستر
MAD_MAN
2010-10-01, 04:51 PM
وهدا الدليل على كلامي
حنى بتاريخ 01/10/2010
وشوفوا معاش فيه تقطيع

http://img43.imageshack.us/img43/445/005jjv.jpg
xman10b
2012-05-17, 01:03 PM
اعتقد بأن المشكلة من سرفرات الرابيد شير نفسها ... والتقطيع هذا عبارة عن عدم وصول الباكيت للجهة وهذا عبارة عن delay فقط لانك شاغل الـinterface ... سكر التحميل وابعت ICMP echo request وشوف النتائج
MAD_MAN
2012-05-18, 05:54 AM
http://img43.imageshack.us/img43/445/005jjv.jpg
اولا الموقع مش رابيد شير هوتفيل
ثانيا الباكيت اللي نبعت فيها 0 لاحظ الصور
dixie
2012-05-18, 03:37 PM
هوتفايل مش رابدشير لكن ماد مان لما مفيش تقطيع في اخر صورة كنت تنزل وقتها من الهوتفايل ولا لا؟
MAD_MAN
2012-05-18, 07:54 PM
ايه لكن وضحتلك انه يقطعوا عليك
انا عندي اكونت هوت فايل
يعني حتى ولو يقطع رح يكمل
لكن اللي خاش على انه Free ويقطع عليه يعني رح يريح عليه كل شي ويبدأ من جديد
توا هدا مش حرام ؟؟؟
انا كانكم عليا انا عادي
لكن لو ما نشبحش للناس كلها بعدين نولي أناني
يعني حتى لما نطلع في المظاهرات متاع ضد شركة LTT الاولى والثالثة طلعت على خاطر الناس واللبز اللي صاير من الشركة
رغم من اني كنت نخدم عند وكيل ونعرف كل اللبز متاعهم
لكن الحمد لله ماشية الامور عندي ومش مستحق حتى باش نطلع ضد الشركة
لكن مع دلك طلعت

على العموم حسبي الله ونعم الوكيل فيهم وخلاص

حاشى البعض منهم نعرف منهم ناس تحطهم على الجرح يبرا زي (يزيد معاوبة) وبوعجيلة
LIBYARS
2012-05-19, 05:08 AM
اولا شي يفرح لما تشوف ان المستعمل في ليبيا يحب يكون واعي بي اي شي يصير حوله و يحاول يسأل و يفهم الي مش فاهمه.نخشو في الموضوع الحالي.
اولا تعريف على السريع للامرين المقترحين في الموضوع على حسب علمي:
البنق ميبعتش اي باكيت او محتوى بس يحسب الوقت خلال الذهاب و الاياب
ICMP اما ال
فيبعت محتوى معين للموقع المقصود و ينتضر اجاب بنفس المحتوى من الموقع و نفس الشي يحسب الوقت ذهابا و ايابا و يعطي اي فقدان في المحتوى المرسل

تعليق:
انا في توقعي كل الاحتمالات موجودة مثل احتمال التقصير من ناس الال ت ت الموجود في اشياء كتيرة .

بعض الاحتمالا الاخرى:
لو خلال التزيل بس يعطي تايم أوت يعني كلام ماكس قد يكون صح لانك شاغل واجهة التنزيل و امر البنق قاعد يراجي فطلع عندك تايم أوت لكن,,, شخصيا نستبعد الامر هذا لانه في العادة مفروض يمر امر البنق بالتوازي مع اي شي تاني بمعنى مفروض مينتضرش فترة طويلة الا اذا كان مثلا الداون لود الحالي واصل اقصى حد او
سرفرات الهوت فايل مشغولة أو شبكة ل ت ت فعلا فيها شي,,, ماهو لازم طبعا نمرو من خلال معداتهم الي اكيد فيها العديد و العديد من الاعدادات الي يقدرو يغروها مثلما ارادو,او ممكن احد الراوترات الموجودة بعد حدود ليبيا الي مر بيهم امر البنق او التنزيل مردش بسرعة.
مثلا لو نبو نتبعو مسار ليبياأرس وكيف الرحلة اتم و الوقت المستغرق نقدرو نستعملو امر الدوس التالي:
tracert libyars.com

على اي حال وضع شركة ال ت ت يبي 10 مضاهرات شهريا على قد العشرة قيقا الى خانقين بيهم الناس...
مش معقولة خلاص عاد ناسنا في ليبيا يفكرو كيف يقتصدو في التنزيل وشنو ينزل وشنو مينزلش
و الناس برا خطوط النت مفتوحة بكامل طاقتها بجميع اشكالها و الوانها. بلادنا محتاجه تطوير و تقدم مش قيود و احتكار.
MAD_MAN
2012-05-19, 07:43 AM
,,, شخصيا نستبعد الامر هذا لانه في العادة مفروض يمر امر البنق بالتوازي مع اي شي تاني بمعنى مفروض مينتضرش فترة طويلة الا اذا كان مثلا الداون لود الحالي واصل اقصى حد او
سرفرات الهوت فايل مشغولة أو شبكة ل ت ت فعلا فيها شي,,,ا[/COLOR]
هدا اللي صاير فيها شي
لكن توا امورها طيبة لانه الموضوع اصلا قديم في التاريخ قصدي انا طارح الموضوع من سنة 2010
ثانيا
حاليا كويس لكن المشكلة من الحصة الشهرية
حالة والله الحصة هادي يعطيك 15 قيقا واي ماكس و 10 او 7 قيقا DSL شنو بيديروا بيهم ؟
ولما يتموا تعبي كرت اضافي يعطيك على كل 10 دينار = 1 قيقا كانت
توا ولت 10 دينار = 2 قيقا

وهنايا الاسعار
http://www.ltt.ly/personal/internet

وخليك من هدا كله
جهاز الواي ماكس في الخارج يسوى 50 دينار يبيعوا فيه الشركة للمواطن 190 دينار
قولي كيف ؟؟
وشنو هالجشع ؟
خليك من هدا جهاز اليو اس بي يسوا في الخارج حوالي 30 دينار ليبي يبيعوا فيه 90 دينار
مش ضعفه بس ضعفه مرتين
ولما يفسد يقولك خلص حق واحد جديد

وبالنسبة للمواطن العادي 30 دينار اشتراك لخدمة انترنت في الشهر مشكلة
خلي نقولوا ليك الله يا ليبيا
سزاء في اللي قبل
واللي توا

حسبنا لما بيتنحى( القردافي ) بيخشوا الشركات المنافسة وتتحسن كل شي لكن على قولة (هما هما نفس الوجوه اللي تجيب الغمة )
والمشكلة المدة اللي فاتت طالعين اللي يخدموا في الشركة ال تي تي مظاهرة على وزارة الاتصالات

تمشي تهددهم الوزارة تقوللهم
راهو لو ما توقفوش هدا الشي اللي تديروا فيه رح ندخل شركات منافسة
dixie
2012-05-19, 02:09 PM
صدقت ليبيارس انقنه خانقينا بيهن القيقات مش مشكله ال 30 دينار لو يفكو علينا الخنقه

لو فيه اي مضاهرات قولونا :l1:
xman10b
2012-05-20, 01:24 PM
يا عزيزي اعتقد ان المشكلة ليس لها علاقة بالشركة isp

المشكلة كلها من السيرفر متاع الرابيد شير او اي موقع رفع اخر لانهم كلهم تاعبات وبالدات 4SHARED استعمل الميديا فاير ورد عليا .. وبالنسبة لأنك تعاود التحميل ويريحوا عليك القيقات هده ماليهاش علاقة بالا ltt هده السرفر الي تحمل منا ما يدعمش خاصية اكمال التحميل ..
MAD_MAN
2012-05-20, 01:55 PM
xman10b
اولا الموضوع قديم 2010
ثانيا المشكلة اللي كانت موجودة توا مش موجودة
ثالثا قتلك الاكونت متاعي على الرابيد شير بريميور اكونت يعني مش ببلاش مخلصه سنة للقدام
ان شاء الله فهمت عليا توا
ليبو
2012-05-20, 06:13 PM
xman10b تخدم عما الشركة ؟ الحق مدرهينا كبدنا و كل المشاكل من الشركة لين يراعو ربهم فينا لا رابدشير لاميديافاير بالعكس رابدشير اسرع شركة شفتها