جليسة البحر
2010-10-13, 01:31 PM
قال ابوفرح(حميد الذيب)
اتهون المحبه ليش هذا ظلم
تهجر وتترك لاخبر لا علم
أتغيب عني لا تسال لا تنشد عليا كني
لا ادير رنه ادزها اطمني
لا مسج تكتب لا اتجي في حلم
لا كتاب منك لا سلام اوصلني
ايخلي لهيب الشوق برد وسلم
لا اتقول غالي الشوفتي متمنى
ولا اتقول عزمه خار ضاق العلم
مصدوم منك فيك خايب ضني
بدلته غلايه بعيب زاد الألم
جورك علي هاس خاطري بهدلني
حرقلي كنيني وجفف احبور القلم
قال الشاعر المبدع ابوريان:-
ليش الهجر
مليت الانتظار حاس بضجر
حجروك ياغالى بعنوه حجر
مازلت متوخى طريق السلم
صارحنى ويحسن لك الله الاجر
حاسس غلانا صار فيه الشلم
وحق من واظب فى صلاة الفجر
حدود غايتى انته وأجمل حلم
لاكن انا؟؟؟ مليت رقص الغجر
قصة جميلة وتنتهى بالفلم
اتهون المحبه ليش هدا ضلم*
تهجر وتترك لاخبر لاعلم
قالت الشاعرة الرائعة جوهرة بنت البدو :-
تهون الود..تبعد تجازى خاطرى بالصد
خليتنى ما بين جزر ومد
لا القيت مرسى لا شواطي سلم
حيرتنى مابين هزل وجد
رهينة اوامر والاوامر ظلم
كدرتنى هديت فكرى هد
تبعثر اوراقي وجف حبر القلم
ليش بينا تما التواصل سد
وشارد خيالى بين حلم وعلم
سالت دموعى ذرفها اشتد
خد راحتك نحمل قساوة الالم
الشاعر المبدع احميده المجبري
يقول
ليش اتباعد
وغيرليش تهجر فالهموم اتساعد
جنبي خذيت عليك ديما قاعد
ماكان افخيالي ايصيرلي هالفلم
اتزهي فحياتي كنت وين اتماعد
كما انسان جاهل نوروه ابعلم
بعد غيبتك راني الروح امواعد
مانعود لوغزه ايسود السلم .
مشاركة المبدع
بلقاسم السحاتى
يقول
ليش جفاك
وليش يتقلب ياعزيز هواك
خيرك عليا ليش شن خلاك
معايا اتغير كنت عندك حلم
وحق من جمعنا ومن عدم سواك
غيابك عليا يوم واعر ظلم
قالت الشاعرة الصغيرة والمتألقة طرفه
ليش اتجافـــــي
وليش امقفل عليهن يالعزيز املافي
انسيتني وحطيتني تحت التراب السافي
كدرت خاطري واليوم منك ضايق علم.,,,
سقيتك غلا من منهل محبه صافي..
ارويت وهديت خاطري ف لحظة حلم
اساتقضت تلاشى..ومالقيت غير انعافي
غلاك اللي منحوت ظلم ف ظلم
اتهون المحبه ليش هذا ظلم
تهجر وتترك لاخبر لا علم
أتغيب عني لا تسال لا تنشد عليا كني
لا ادير رنه ادزها اطمني
لا مسج تكتب لا اتجي في حلم
لا كتاب منك لا سلام اوصلني
ايخلي لهيب الشوق برد وسلم
لا اتقول غالي الشوفتي متمنى
ولا اتقول عزمه خار ضاق العلم
مصدوم منك فيك خايب ضني
بدلته غلايه بعيب زاد الألم
جورك علي هاس خاطري بهدلني
حرقلي كنيني وجفف احبور القلم
قال الشاعر المبدع ابوريان:-
ليش الهجر
مليت الانتظار حاس بضجر
حجروك ياغالى بعنوه حجر
مازلت متوخى طريق السلم
صارحنى ويحسن لك الله الاجر
حاسس غلانا صار فيه الشلم
وحق من واظب فى صلاة الفجر
حدود غايتى انته وأجمل حلم
لاكن انا؟؟؟ مليت رقص الغجر
قصة جميلة وتنتهى بالفلم
اتهون المحبه ليش هدا ضلم*
تهجر وتترك لاخبر لاعلم
قالت الشاعرة الرائعة جوهرة بنت البدو :-
تهون الود..تبعد تجازى خاطرى بالصد
خليتنى ما بين جزر ومد
لا القيت مرسى لا شواطي سلم
حيرتنى مابين هزل وجد
رهينة اوامر والاوامر ظلم
كدرتنى هديت فكرى هد
تبعثر اوراقي وجف حبر القلم
ليش بينا تما التواصل سد
وشارد خيالى بين حلم وعلم
سالت دموعى ذرفها اشتد
خد راحتك نحمل قساوة الالم
الشاعر المبدع احميده المجبري
يقول
ليش اتباعد
وغيرليش تهجر فالهموم اتساعد
جنبي خذيت عليك ديما قاعد
ماكان افخيالي ايصيرلي هالفلم
اتزهي فحياتي كنت وين اتماعد
كما انسان جاهل نوروه ابعلم
بعد غيبتك راني الروح امواعد
مانعود لوغزه ايسود السلم .
مشاركة المبدع
بلقاسم السحاتى
يقول
ليش جفاك
وليش يتقلب ياعزيز هواك
خيرك عليا ليش شن خلاك
معايا اتغير كنت عندك حلم
وحق من جمعنا ومن عدم سواك
غيابك عليا يوم واعر ظلم
قالت الشاعرة الصغيرة والمتألقة طرفه
ليش اتجافـــــي
وليش امقفل عليهن يالعزيز املافي
انسيتني وحطيتني تحت التراب السافي
كدرت خاطري واليوم منك ضايق علم.,,,
سقيتك غلا من منهل محبه صافي..
ارويت وهديت خاطري ف لحظة حلم
اساتقضت تلاشى..ومالقيت غير انعافي
غلاك اللي منحوت ظلم ف ظلم