اقتراح للمطبخ

[لولو كاتى]

السلام عليكم

موضوع جديد خاص بالمطبخ كل اسبوع نستضيف عضو ونطرح عليه اسئلة ويجاوب عليها والاسئلة

غير تابتة طبعا كل ضيف توصله الدعوة يلبي ويجاوب علي نفس الاسئلة.

وهده هي الاسئلة

1-عرفنا علي علاقتك با المطبخ.

2-شن هي الاكلة الي تحبها.

3-شن الاكلة اللي تعرف اتديرها.

4-موقف ظريف صارلك في المطبخ.

5-حطلنا صورة لااكلة حلوة.

6-شن هو مشروبك المفضل ؟

7- هل تساعد في اعمال المطبخ ؟

8- شن موقفك لو مرة عزمت حد علي الغدي ولما وصلت انت والضيف لقيت مفيش غدي في الحوش؟

9- سوال خاص للبنات امتي اول مرة خشيتي للمطبخ وشن درتي؟

10-شن الاكلة اللي حرقيتها ولوحتيها من غير ميشوفك حد قولي عادي مش حنقول؟

هذا الاسئلة وليكم حرية التامة فى الزيادة

ان شاء الله يعجبكم الموضوع

[BLOODY ROAR]

1-عرفنا علي علاقتك با المطبخ.

معقولة

2-شن هي الاكلة الي تحبها.

الازر بالخلطه ( متاع العصبان) والفاصوليا الخضراء وكسكسى الاعراس

3-شن الاكلة اللي تعرف اتديرها.

مكرونة و ارز و دحى بالطماطم و بيتسا وباسطى وفاصوليا وبازيليا او هلبه حاجات

4-موقف ظريف صارلك في المطبخ.

درت قهوة بالملح

5-حطلنا صورة لااكلة حلوة.

http://shots.ikbis.com/image/141169/large/2421071979_e0da3367bc.jpg


6-شن هو مشروبك المفضل ؟

بيترى صودا

7- هل تساعد في اعمال المطبخ ؟

قبل لكن توة لا

8- شن موقفك لو مرة عزمت حد علي الغدي ولما وصلت انت والضيف لقيت مفيش غدي في الحوش؟

صارلى الموقف هدا بس بما انه صاحبى قدرنى هدا اولا او تانيا خليت معاه خوى وطلع للقهوة جبت وجبات




هذا الاسئلة وليكم حرية التامة فى الزيادة

ان شاء الله يعجبكم الموضوع




:129::129::129: ياسركم قصقصه

[جليسة البحر]

1-عرفنا علي علاقتك با المطبخ.

علاقة قوية ومشوارها الي مالا نهاية :(

2-شن هي الاكلة الي تحبها.

كسكسي - شربة - رشدة امبكبكة

3-شن الاكلة اللي تعرف اتديرها.

الي يسميه فمك عدا البزين

4-موقف ظريف صارلك في المطبخ.

مااعتقدش في

5-حطلنا صورة لااكلة حلوة.

http://i41.tinypic.com/nyvjah.jpg

6-شن هو مشروبك المفضل ؟

عصير برتقال

7- هل تساعد في اعمال المطبخ ؟

مش انساعد نبي من اساعدني ( فالحة :129: )

8- شن موقفك لو مرة عزمت حد علي الغدي ولما وصلت انت والضيف لقيت مفيش غدي في الحوش؟

ايه تصير كدا مرة لكن في عملية انقاد مكرونة صالصة او مفروم

9- سوال خاص للبنات امتي اول مرة خشيتي للمطبخ وشن درتي؟

من عمري 15 السنة ودرت حوت

10-شن الاكلة اللي حرقيتها ولوحتيها من غير ميشوفك حد قولي عادي مش حنقول؟

بسبوسة . والرشدة مبكبكة الغليظة اليابسة شارينها من الكوشة مابيتش اطيب بكل


:129::129::129::129::129:


علي فضايح

[لولو كاتى]

مشكورين قن وجليسة لكن شكلكم ماشفتوش الكلام زين كاتبه كل اسبوع يعنى زى كرسى الاعتراف

[جليسة البحر]

فهمتك لكن لقيت قن بادي بديت هكي احسن لورد اخشوا اجاوبي لاسئلة بعدين نختاروا عضو لاسبوع

[لولو كاتى]

1-عرفنا علي علاقتك با المطبخ.
يعنى معقولة

2-شن هي الاكلة الي تحبها.
كسكى - فاصوليا

3-شن الاكلة اللي تعرف اتديرها.

هههههههه الحمدالله كل شى واهم حاجة البازين

4-موقف ظريف صارلك في المطبخ.
مرت عمى اول مرة تمشى معانا لزليتن عروسة قاعدة مشى درت بازين
لانها متعرفش ديره احم احم طاب وكملت طالعين بنحط لجدى وعمى يتغدو على فوتت قطوس
وبدت مرت عمى تعيط وانى من الخلعة طاح الغدى :l7::l7: قعدنا من غير غدى وكلهم
فشو الغل فيا انى لانها عروسة جديدة ميبوش يكشخو عليها .

5-حطلنا صورة لااكلة حلوة.

6-شن هو مشروبك المفضل ؟

عصير الكمثرى

7- هل تساعد في اعمال المطبخ ؟

أكيــــــــــــــــــــــــــــــد

8- شن موقفك لو مرة عزمت حد علي الغدي ولما وصلت انت والضيف لقيت مفيش غدي في الحوش؟

منعزمش لين نتاكد

9- سوال خاص للبنات امتي اول مرة خشيتي للمطبخ وشن درتي؟

ممكن من 10 ولا11 واول حاجة فاصوليا

10-شن الاكلة اللي حرقيتها ولوحتيها من غير ميشوفك حد قولي عادي مش حنقول؟
بيتزا

[BLOODY ROAR]

وينك يا مادمان هيا رد على الموضوع حيه عليك تو تحرج لورد تقعد تعيط شنى بيسكتها بعدين

[جليسة البحر]

بما انكم عطلتوا


بنختاروا عضو ونسالوه اسئلة خاصة بالمطبخ

[لولو كاتى]

مزال مادمان وبادبوى ومستر وينكم
:l7::l7::l7::l7::l7:
:l7::l7::l7::l7:
:l7::l7::l7:
:l7::l7:
:l7:

[نانو87]

السلام عليكم

موضوع جديد خاص بالمطبخ كل اسبوع نستضيف عضو ونطرح عليه اسئلة ويجاوب عليها والاسئلة

غير تابتة طبعا كل ضيف توصله الدعوة يلبي ويجاوب علي نفس الاسئلة.

وهده هي الاسئلة

1-عرفنا علي علاقتك با المطبخ.
جيدة جدا

2-شن هي الاكلة الي تحبها.
رشدة كسكاس

3-شن الاكلة اللي تعرف اتديرها.
هلبه واكثرها دقة الاكل الشعبي
4-موقف ظريف صارلك في المطبخ.
نطبخ في العدس ونسيتها على النار ونشم في صنة الشياط ونقوللهم في حاجه مشيطه نحسابه من جيران لين ماما خشت المطبخ بالصدفا وقالت تعالي يا شطاره الشياط منك مش من جيرانا
5-حطلنا صورة لااكلة حلوة.

6-شن هو مشروبك المفضل ؟
كركدي

7- هل تساعد في اعمال المطبخ ؟
نعم

8- شن موقفك لو مرة عزمت حد علي الغدي ولما وصلت انت والضيف لقيت مفيش غدي في الحوش؟
عادي يجبوا من المطعم

9- سوال خاص للبنات امتي اول مرة خشيتي للمطبخ وشن درتي؟
واني ندرس الصف تانيه اعدادي وكيكه وجت مش حلوة بكل ومن الوسط مش طايبه وماما بهدلتني عليها وقالت اخر مرة تخشي وانا اصلا درتها وهيا مهناش بس ما ايستش وخشيت تاني وثالت لين بديت نعرف والحمد لله

10-شن الاكلة اللي حرقيتها ولوحتيها من غير ميشوفك حد قولي عادي مش حنقول؟
كله على المفضوح العدس

هذا الاسئلة وليكم حرية التامة فى الزيادة

ان شاء الله يعجبكم الموضوع

حلو الموضوع