تشغيل أجهزة Motorola CPEi150 CPEi725 على شبكة LTT [الأرشيف]

مشاهدة النسخة كاملة : تشغيل أجهزة Motorola CPEi150 CPEi725 على شبكة LTT

توم سوير

2013-06-22, 12:16 AM

السلام عليكم
تحية لجميع أعضاء المنتدى واتمنى قبولي عضو جديدي في المنتدى
وصلت لهالمنتدى من خلال بحثي عالنت عن كيفية تشغيل أجهزة Clear CPE wimax modem
اشتريت اكثر من نوع من اميركا لكن اتضح لي ان طريقة الدخول للشبكة عندهم تستخدم بروتوكل يعتمد على عنوان الماك وليس الاسم وكلمة السر تحديدا بروتوكول التحقق من الدخول EAP-TLS
الشبكة الليبية LTT تستخدم بروتوكول التحقق EAP-TTLS/MSCHAPv2 واللي يستخدم اسم وكلمة سر وشهادة certificate
بحثت مرة أخرى وجدت نوعين ممكن يدعمو طريقة الدخول في شبكتنا الموديلين هما motorola cpei25725 cpei25150 وصيت عالجهازين لما وصلوني لقيت خانة اختيار نوع بروتوكول التحقق غير مفعلة disabled وكذلك خانة الاسم وكلمة السر. إذا في حد عنده فكرة عالحل أرجو الإفادة
سلام

emad2050

2013-06-22, 03:00 AM

لقد تم بعت رساله عل الخاص

white

2013-06-22, 03:03 PM

emad2050 عندك حل للمشكلة حتى اني عندي نفس الجهاز

صلاح حامد

2013-06-23, 10:32 PM

الحمد لله وجدت فرم وير مية مية توه يشتغل على شركة ال تي تي ويخدم حتى على الترددات الجديدة ويعطي النغطية كاملة

أولا نزل هذا الرابط تلقاه ملف مظغوط فك الضغط http://www.go.com.sa/atheeb-cms/uplo...3.06.41.tar.gz
تلقى داخل الملف ملف اسمه firmware.img
طلعه على سطح المكتب وبعدها افتح صفحة النت ولازم يكون المتورولا راكب في الكهرباء وراكب في الجهاز عن طريق الكابل وبعدعا تكتب فوق هذا الرقم 192.168.15.1
وبعدها تفتح صفحة الجهاز وتبع الخطوات التالية http://www.clear.com/cms/download_file/view/1324/81/ وتلقى الشرح في الملف المرفق لازم ايكون عند برنامج أكروبات بيش تقرأ الشرح والسلام عليكم
بالنسبة لي الجهاز عندي شغال والترددات الجديدة طلعهم بروحه
ملاحظة:
1- رد بالك تفصل الواي ماكس والجهاز اثناء عملية الفيرم وير
2- بعد مايتم الفيرم وير وتتأكيد من الانتهاء طفي الواي ماكس ورجعه وحط اليور نيم والباسوورد امتاعك وان شاء الله يخش

MAD_MAN

2013-06-25, 12:50 AM

صلاح حامد

2013-06-25, 05:21 PM

بارك الله فيك على الطريقة
فعلا انقدتنا
س ياريت تحطنا الملف هدا uplo...3.06.41.tar.gz
لانه مش موجود على اللينك اللي حطيته

تفضل

http://www.go.com.sa/atheeb-cms/uploads/documents/driver/CPE_B2_WMX02.00.23.06.41.tar.gz

:73::73:

white

2013-06-25, 05:53 PM

يا ودي زايده معاكم بارك الله فيكم و جاري التجريب

ali_dark

2013-06-25, 06:04 PM

فى نوع من مودمات الموتورولاا هادو فيهم وايريس ؟

MAD_MAN

2013-06-26, 12:12 AM

خوي صلاح حامد
يا ريت لو تشوفنا الترددات والسيرتيفكيت شنو نديرو فيها ؟
وكيف ؟
ولو نجحت معاك ياريت تديرنا شرح الصور تربح اجرنا
تحياتي

صلاح حامد

2013-06-26, 04:40 PM

السلام عليكم

والله بالنسبة للترددات الجديدة الجهاز يبحث تلقائي

http://www6.0zz0.com/2013/06/23/21/868944789.jpg

وبالنسبة السيرتفكت certificate شوف الصورة امتاع جهازي لاتوجد به Certificate الخاصة بـ ltt ومع ذالك الجهاز شغال تمام

http://www8.0zz0.com/2013/06/26/14/503461808.jpg

والله اعلم

:l10::91::91: :91::91::91::91::91::91::91::91::91::91::91::91::9 1:

توم سوير

2013-06-27, 12:50 AM

السلام عليكم
خوي صلاح السرتفكيت متاع LTT موجودة عندك واللي هي آخر وحدة في الليستة
ياريت تحمل صورة صفحة السوفتوير Software باش نشوفو الاصدار متاع الفيرم وير
مشكور عالصور

صلاح حامد

2013-06-27, 07:15 AM

السلام عليكم

ان شاء الله ربي يوفقكم

http://www2.0zz0.com/2013/06/27/04/844102735.jpg

:l49::l49::l49::l49::l49::l49::l49::l49::l49::l49: :l49::l49::l49::l49::l49::l49::l49::l49::l49::l49: :l49:

calcio man

2013-06-27, 02:57 PM

السلام عليكم

بالنسبة للاخ صلاح انا جربت زمان الفيرموير اللي قالي عليه وما مشاش الحال للاسف

بل حاولت نعدل حتى في الكونفقريشن فايل للمودم وبرضو مفيش نجاح

يبود ان الموضوع معقد والترددات هي المشكلة لان شركة كلير تردداتها مختلفة عالا تي تي

المهم عرفت كيف نحط اليوزر والباسورد وعرفت كيف نحط السيرتفيكيت وحوالت هلبا مع المودم في الترددات لكن بلا جدوى رغم ان فيه واحد يدير فيها ب50 دينار ولما شفت مودم يخدم نزلت نفس الفيرموير وبرضو مخدمش هدا يدل ان الفكرة في الكونفيقرشن فايل مش فالفرميوير نفسه

عموما اللي يبي السييرتفكت بش يجرب اهي حطيتها فالمرفقات

وحظ طيب

توم سوير

2013-06-27, 05:58 PM

السلام عليكم
الأخ كالشو مشكور عالمشاركة
نبي نسالك عالسرتفكيت اللي حملتها ليها امتداد مختلف عن امتاع الشركة .der
من وين منزلها ؟؟
سلام

calcio man

2013-06-28, 10:06 PM

بالنسبة للسيرتيفكت صديقي حول سيرتفكت ال تي تي من امتداد بيم للامتدا هدا اللي يقبله الموتورولا

فيه كيف تحلوها لكن تبي شوي صبر وتدوير فالنت

MAD_MAN

2013-06-29, 06:36 AM

ان شاء الله تلقوا حل
انا متابعكم كل يوم

توم سوير

2013-06-30, 09:57 AM

منورين شباب
اتشاالله نلقوا حل قريبا
اني بنكسدله الايام الجاية، الفترة اللي فاتت كنت مشغول شوي
سلام

توم سوير

2013-07-01, 01:54 AM

السلام عليكم
بالنسبة للجهاز 725 في سوفتوير وليس فيرموير من شركة نوكيا سمنس لكن هذا السوفتوير مفتوح المصدر open source software يحتاج إلى compile وتوليد ملف img or bin file باش تقدر تركبه كفيرموير
اللي عنده فكرة عالموضوع هذي اللنك
http://sourceforge.net/projects/cpei750.motorola/files/CPEi750/rel86%20CPEi750_WMX-CPE_R2.0_REL-22.06.86

في باكج اخرى للموديل cpei 150 منزلها لي فترة لكن مالقيتش اللنك امتاعها

في موقع تاني عاطي ملف يخليك تنزل ملف الكونفقريشن وتحمله من جديد عالجهاز بعد التعديل حاولت فيه لكن ماشتغلش معاي وهذي اللنك متاعا
http://rootshell.covertbay.com/2011/08/motorola-wimax-cpei-35775-configuration.html
عالعموم اللنك هذي للجهاز cpei35775 لكن صاحب الموقع كاتب انها تشتغل عالموديلات الاخرى
اللي قدر ينزل ملف الكونفيق ياريت يفيدنا
سلام

calcio man

2013-07-01, 10:02 AM

منور يا توم سوير

بالنسبة لملف الكوفيق تقدر تفتحه بالبرناج هدا
http://www.softpedia.com/get/Network-Tools/Misc-Networking-Tools/RouterPassView.shtml

لكن الموضوع معقد شوي وتشفير وهكسا ديسمل وقصص

المهم اعتقد الموضع فيه حركة بسيطة مفقودة

جربت حطيت فايل كونفيق معدل في جهاز ميخدش وبعدين درت ريسيت قلت بالك لما ندير ريسيت ياخد الكونيق ويحطها فالسستم .. وبعدين دخلت اليوزر من جديد و حطيت السيرتيفكت

برضو بدون نجاح

الموضوع يبي معرفة بالبوت اوردر زي ما في راوترات السيسكو

bootstrab, nvram ROM running config default config

بالتوفيق

شوف الانكس هدا فيه فايلات متع مودم موتورولا كلير
http://ta.failte.romhat.net/clear/

لاحظ انه في فولدر البين تلقى فيه ملف كونفيق ديفولت الترددات اللي فيه مش نفس متعنا

طبعا الفولدر هدا فيه فيرموير 3 اصدارات مختلفة للي يبي يجرب
http://ta.failte.romhat.net/clear/MotCfg/softwareBundle/cpe/

توم سوير

2013-07-01, 07:48 PM

مشكور كالشو عاللنكات
حنجرب وانشالله نطلع بنتيجة
سلام

توم سوير

2013-07-01, 08:49 PM

عزيزي كالشو برنامج routerpassveew يمكنك من تعديل الملف
اني نبي نعرف كيف تنزل ملف الكونفق من الراوتر وتحمله مرة تانية
هل عن طريق tftp ؟؟
ممكن التوضيح
سلام

dixie

2013-07-02, 02:26 AM

منورين :اجتماع::اجتماع::اجتماع:

calcio man

2013-07-02, 02:35 PM

شوف الفايل اللي حطيته

فيه لنك الداونلود والابلود

بالنسبة ليا يخدم مع الفايرفوكس لكن مخدمش مع الكروم

الكونفيج فايل صغير .bin

بالتوفيق

MAD_MAN

2013-07-03, 05:37 AM

حاليا نبوا كيف نفكوا الفايل bin
,ونحاولوا نتحكموا في بياناته

توم سوير

2013-07-06, 09:15 PM

هل من جديد شباب

MAD_MAN

2013-07-07, 07:09 AM

للاسف لايوجد جديد
من جهتي طورت الملف اللي حاطينه
ثانيا بندير برنامج يفتح مكان اليوزرنيم والباسورد

المجراب

2013-07-07, 10:09 PM

السلام عليكم اخوتي
انا كل اللي نبيه نحط اليوزر نيم والباسوورد
لانهم مضللات

توم سوير

2013-07-08, 12:53 AM

جرب اللنك هذي :
http://192.168.15.1/cgi-bin/webcm?getpage=%2Fusr%2Fwww_safe%2Fhtml%2Fdefs%2Fst yle5%2Fmenus%2Fmenu.html&var:style=style5&var:main=menu&var:menu=wizard&var:menutitle=http://rootshell.covertbay.com/&var:pagename=wizard_step3&var:pagetitle=WiMAX_RootShell

المجراب

2013-07-09, 10:23 AM

للاسف اخي توم سوير نفس الشئ
مضللات

MAD_MAN

2013-07-09, 12:40 PM

للاسف اخي توم سوير نفس الشئ
مضللات

يا خوي
خش على المودم
192.168.15.1
وبعدين اضغط على اللينك
اللي حاطه توم سوير
لو ماطلعش اضغط مرة ثانية

المجراب

2013-07-09, 03:10 PM

بارك الله فيك اخي ملئت الخانات تمام لكن المودم لم يتعرف على شبكة ال تي تي
مع انه كان متعرف عليها قبل وانا درتله سفتوير؟؟؟؟

MAD_MAN

2013-07-10, 01:27 AM

اكيد درتله ريسيت هدا علاش امتسح كل شي

المجراب

2013-07-10, 10:08 PM

مزبوط كلامك درتله ريستارت كذا مرة على سبة كانن الخانات مضللات
ما فيش كيف يرجع السفت الاول

MAD_MAN

2013-07-11, 09:22 AM

هنايا المشكلة
جرب واحد من اللي فوق وممكن يشتغل ويمشي حاله
ولو ما مشاش حاله تمشي للشخص اللي دارلك السوفتوير
وتجيك في دفع مرة ثانية

المجراب

2013-07-12, 10:44 PM

شكرا اخي لتجاوبك
لو انت تعرف حد ممكن تبعتلي رقم تلفونه لاني راح مني رقمه اللي دارلي سفتوير
وبارك الله فيك

tarik

2013-07-13, 04:40 AM

السلام عليكم ورحمة الله
الى جماعه الاكترونات هل تعتقدون ان تحديد ليميت limit الترددات قد يكون هارد وير وليس سوفت وير ؟

بما ان المشكلة أكيد انها ليست في الشهادة ولا في ادخال اسم المستخدم وكلمة المرور .. فالاكيد ومية في المية المشكلة في الترددات ..ممكن المودم يبحث عن ترددات في حدود معينة /Limit أعلى من ترددات الltt ، اقول ممكن والحق ماعندي علاقة بالالكترونات فأعذروني لو اخطأت فهل هناك طريقة هاردوير وليست سوقت وير تزيد من مدى الترددات ؟

المهم حصلت واحد شغال تمام نوعه cpei25150 وعندي مجموعة مودمات من نفس النوع لا تستطيع البحث عن ترددات .. فسأحاول ان ابدأ باحدى الطرق الممكن الاستفادة منها هي نسخ كامل لفيرم وير جهاز الشغال الى جهاز آخر.. هناك طريقة سأحاول تجربتها ممكن تنجح وممكن لا وهي نسخ كامل لرام المودم واعادة نسخها في مودم ثاني باستخدام فكرةBackup& restor,, بس خلي انشوف كيف انحصل الوصلة الخاصة بهذا البرنامج ,, لو حد عنده كيف يحصلها فبالله يبلغنا بالنتائج أو يقولي من وين تحصلها . طبعا البرنامج هذا يحتاج الى فتح الجهاز

شوفو هذا الفيديو
http://www.youtube.com/watch?v=sHuhOG-s818
اسم البرنامج usb jtag
بلغونا لو وصلتم لحل ,, السلام عليكم

r_s_algafer

2013-07-26, 09:44 PM

بارك الله فيكم على المجهود
ولكن هل من جديد او حل نهائي؟

MAD_MAN

2013-07-26, 11:54 PM

r_s_algafer
الى اليوم ما عندي حل
لكن درت برنامج يتحكم في الموتورولا ويدخل اليوزر نيم والباسورد بسهوله
مع عدة خيارات اخرى
بما فيها لو شبكت على الانترنت تضهرلك الايقونة الاتصال بالانترنت
بس في حالة انكم وجدتم حل
رح احطه في المنتدى البرنامج

tarik

2013-07-28, 07:17 AM

السلام عليكم . انا يئست من البحث عن سوفتوير يشغل هالجهاز على إل تي تي .. ولكن الآن انا متأكد ان الطريقة الوحيدة التي تمكنك بالتحكم في نسخ كامل الفيرم وير من ramرام المودم وكذلك التعديل فيه هي بال jtag usb
تحتاج فتح الجهاز والوصول لى اللوحة .. وحى الشخص اللي يسفتر فيهم واللي عنوانه قرب سيمافرو البيفي يفتح فيهم (اقصد يقض فيهم) يعني الفكرة لازم في فتح الجهاز باش يوصل للوحة ..

خلي نحكو على الjtag شوية يمكن حد يستفيد من هالمعلومة لشي تاني .. فأكيد الجماعة التي تبحث عن حل لهذا المودم اكيد عندها خلفية على السوفت وير والالكترونات بصفة عامة ..
يالله نبدا

أولا شوف الفيديو في البوست (الرد) السابق لي باش تاخذ فكرة عليها ..

على حسب ما شفت وقريت عليها هي الوسيلة التي يمكنها الوصول والقراءه-نسخ-مسح- تفليش-حتى تعديل فيرم وير اي رام جهاز إلكتروني به هذه الانواع من الرامات مثل جميع انواع الراوتر والمودمات مثل هذا والكثير تجدها في منتديات الjtag

الjtag تعلب لعب حتى في سوفت الxbox ..ابحث عليها حتى بالعربي في جوجل وشوف شن يقدرو يديرو بها ..اشياء لا تصدق عالاكس بوكس x-box، وغيره الكثير ..
((ابحث عن سوفت وير الاكس بوكس في سوق ليبيا المفتوح تلقى ان نفس الشخص اللي يسفتر في هذه المودمات هو نفسة يسفتر في الاكس بوكس يعني السر في هذه الوصلة)

الاسعار

طبعا لو بتشريها فتجدها على الاي بي www.ebay.com في جو اقل من 15 دولار ,, لو عندك حد برا يقدر يطلبها ويجيبهالك من اي دولة بها اي بي زي الصين او امريكا أو حتى اوروبا .. وطبعا هي انواع.. فيه اسعار وهلبا انواع وفيه حتى عدة كاملة لها ممكن ب30 دولار.. .. انا الحق طلب واحدة واستعجلت في الطلب لاني ما ركزتش على عدد المداخل ونحسابها ستاندر ..ولكن توا عرفت ان فيه كوابل اضافية لها فهي تجي عشرة مداخل أو اقل وانا نبي لهذا المودم 14 مدخل اي 14pin .. المهم لقيت حتى الكوابل ووصلات تركب على اللوحات التي ليس بها مكان لربط الوصلة .. كل شيء موجودة على www.ebay.com ,, انا توا بنحتاج كيبل يحول الى 14 بن.. لو شخص بيطلبها وبخدم بها مودمات فياخذ نوع فيشته مثل الذي في الفيديو السابق .. اللي عنده حساب آرامكس وحساب اي بي يقدر يجبها بسرعه ..

طبعا حد يقولي انا جبت (أو عندي) هالjtag ولكن وين بنلقى مودم موتورولا سوف ويره معدل ويخدم على إل تي تي باش ناخذ من سوفويره نسخه ؟ وفي شن بنجربه.. انا عندي مودم شغال و5 لا ,,يعني نعطيك مودمي اللي يخدم حوذ منه نسخة ، يجيب كمبيوتره والوصلة وانا انجيبله مودم شغال وواحد غير شغال انجربو فيه ..ههه
طريقة التعامل معها " راجع الفيديو في الرد السابق لي" .. أو ابحث في جوجل أو اليوتيوب وتلقى الكثير من الامثلة
والحقيقة الخدمة بها تقدر تقول مش صعبه بس تبي فكرة وكل شيء موجود في جوجل واليوتيوب .. واكيد كل رام ليها "ادرز " عنوان بداية ونهاية لقراءة السوفت وير منها ، ولكن لا تشغل بالك الحمد لله الانترنت موجود وكل المعلومات التي قد تحتاجها عن هذه الانواع من الرامات وطرق القراءة منها بالjtag موجودة ..

اعذروني لو كثرت كلام انا بس حبيت انشاركم شن لقيت خلال بحثي عن طريقة تعديل هذا المودم .. وزي ما قلت انا عندي واحد شغال و5 لا .. المهم من عندها حاليا الjtag ب14 بن ويبي يجربها وماعنداش مودمات يكلمني نتلاقو حتى في قهوه..ههههه أو يتفضل عندي في البيت .وزي ما قلت انا عندي واحد شغال وخمسة لا يعني يجرب على راحته هههه,,,

المهم فحتى ولو انا ما توصلتش لحل فأكيد احد الاخوة اللي عنده خلفية أكثر سوف يتوصل بأذن الله لحل وينفعنا في فتح هذه المودمات مستقبلا بأقل الاسعار ..اللي استفاد من هالمعلومات البيسيطة بس يدعيلنا بالخير ورحمة الوالدين .. والسلام عليكم ورحمة الله وبركاته

ا

tarik

2013-07-28, 07:42 AM

صور اللوحة الداخلية للمودم مربوطة مع وصلة الjtag بالمرفقات
السلام عليكم

MAD_MAN

2013-07-28, 09:25 AM

ألله يرحم والديك خوي طارق
وسامحني ما اتصلتش بيك
لانه الحق كنت عابي على شخص بنتسلف منه الفلوس باش ناخد المودمات متاعك
وكلامك اللي قلته مزبوط
هو نفس الشخص صح اللي خاش على الحاجة هادي خاش حتى على الاكسبوكس
على العموم
اصبر عليا شوية خوي طارق ورح نكلمك ان شاء الله يومين ثانيات
تحياتي

r_s_algafer

2013-08-02, 07:45 AM

tarik

2013-08-05, 04:25 AM

السلام عليكم ورحمة الله وبركاته

كيف حالكم اليوم ان شاء الله بخير

كلنا عارفين ان هناك من شغل هذا المودم وبالتالي نحن نحتاج الفكرة لنبدأ ,, رغم انني متأكد بأن بانه قد توجد اكثر من طريقة لعمل ذلك ، لذا سأوضع الآن فكرة ثانية

طبعاأغلبنا اقتنع ان المشكلة عدم قدرة المودم على البحث عن الترددات
طبيعي لان ترددات الإل تي تي ليست مخزنه به

اذا لنرى ماذا يمكن ان نعمل ,,

طبعا نحتاجو بعض الخبراء اللي عندهم فكرة على تعديل الفيرم وير (سوفوير) الجهاز ..
طبعا الفكرة ليست معقدة وليست سهلة ولكن بمساعدة الاعضاء الذين لديهم خبره في هذا المجال قد نصل الى سوفوير معدل للجهاز ينفع مع اجهزة جميع الاعضاء الكرام الذين يبحثون عن سوفوير لهاذا المودم

أولا.. الصورة المرفقة تحتوي على الترددات الاصلية والتي تأتي مع (سوفت وير) المودم من شركة كلير
..
وطبعا زي ما عارفين ان السوفت وير الاصلي للجهاز موجود وبأصدارات مختلفه وتقدر تنزله حتى من موقعنا هذا (راجع الردود السابقة -موجود الكثير من الروابط للتنزيل)
المهم .. نستمر

ثانيا:
لو فتحنا السوفت وير على الكمبيوتر بأستخدام
Hex Editor
والهيكس اديتور هو عبارة عن برنامح محرر نظام سداس عشري يستخدم لتعديل الملفات التنفيذية والملفات الغير قابلة للتعديل بالطرق العادية )طبعا يستخدمو فيه جماعة الهاكر لتكسير البرامج والكثير من الامور الاخرى وتقدر تنزله من النت مجاني وهناك الكثير من البرامج "هكس اديتور" وكلها قريبه من بعضها وتؤدي نفس الغرض

المهم هذا الكلام موجه لمن لديه خلفية على الانظمة العددية وكذلك لمن ديه خلفيه بسيطة على كسر أو تعديل البرامج

زي ما عارف البعض برنامج الهيكس اديتور يفتحلنا ملف السوفت وير ويعرض لنا كل الكود المستخدم في هذا الملف (وطبعا بغض النظر عن اصل الملف أو ما البرمجة التي برمجته) هذا البرنامج يعرض لنا الكود الذي تفهمه الآلة أو يفهمه المودم
وطبعا يعرضه بالنظام الثنائي (لغة الآلة) صفر وواحد ، وباعتبار ان الكود بالنظام الثائي طويل ومعقد فهذا البرنامج اتوماتيك يجبهولنا بالنظام السداس عشري لتسهل عملية البحث والتعديل

اذا يالله نفتح السوفت وير بهذا البرنامج ونشوفو

لو اخذنا بعض الترددات المستخدمه في السوفت وير الاصلي مثلا
2541500 ، 2518500 ، 2518500
وحولنا هذه الارقام الى سداس عشري باستخدام حاسبة الكمبيوتر أو اي حاسبة تدعم عمليات التحويل بين الانظمة فسنحصل على ارقام الترددات بالشكل التالي

نظام عشري- نظام سداس عشري

2541500 = 26c7bc

2518500 = 266de4

2551500 = 26eecc

وبعد فتح السوفت وير ببرنامج الهيكس اديتور وبحثنا عن هذه الارقام والحروف بهذا البرنامج فسنجد هذه الارقام موجودة فعلا موجودة ومتتالية، وهذا يعني انها تقابل قيم الترددات في السوفت وير ،مثلا لو بحثت عن
26eecc
فهذا يعني انك وجدت مكان تخزين التردد
2551500
وهكذا
، وايضا يثبت لنا ان الترددات اصلا تأتي مخزنه في السوفت وير

انظر صورة البرنامج وعملية البحث

منطقيها يمكننا تغيرر هذه
بالضغط على تعديل وتغيير القيم بترددات الإل تي تي سوف نحصل على ملف يحتوي ترددات الال تي تي (على الاقل نبحث عن ثلاثه 3 ترددات اصلية ونغير قيمها الى ترددات الإل تي تي ، احنا نجرب 3 وقد تكفي انها تجعل المودم يبحث عن هذه الترددات ويكشفها - يعني يعرضهالنا لو كانت موجودة في مجال تغطيته

أمثلة على ترددات الإل تي تي بالنظام السداس عشري
نظام عشري- نظام سداس عشري
2525000= 268748
2535000 =26ae58
2545000= 26d568
الى هنا تمام وجدنا مكان الترددات الاصلية بالنظام السداس عشري وعندنا ترددات الإل تي تي بنفس النظام

الآن نريد من الخبراء طريقة تخزين الملف بالطريقة الصحيحة
حيث لا تغير من حجم الملف
وقد يكون ناك شي اخر قد يحتاج تعديل بنفس الطريقة ، اعرف ان البعض قد تصعب عليه فهم ما ارمو إليه ولكن انا على ثقة بأن بعض الاخوة فهمو المقصود وسيوافونا بالجديد

والرجاء من الاخوة لو احد وصل الى سوفتوير معدل واشتغل معاه ان ينزلهولنا هنا
شكرا للجميع

طبعا قلت نستطيع التغيير بين الانظمة باستخدام الحاسبة التي تأتي مع ويندوز 7
نفتح الحاسبة
نظغط
View
programmer OR Alt-F3
نكتب التردد المراد تغييره
واصله عشري
Dec
ثم نختار
HEX
فيعرض لنا الرقم بالسداس عشري

شكرا للجميع

tarik

2013-08-05, 04:47 AM

طبعا أود الاشارة الى ان الطريقة الاولى التي ذكرتها في احدى المشاركات باستخدام وصلة الجي تاج USB Jtag
هي ايضا حل لانها تنسخ كامل الفيرم وير(السوفوير) من رام المودم الشغال على الإل تي تي الى رام مودم ثاني
حيث انها ستغير حتى الماك اددرز للمودم - وستنسخه لى مودم ثاني ، ولكن هذا لا يهمنما بأعتبار ان الإل تي تي لاتعتمد على الماك ادرز المودم مثل شركة كلير وانما تعتمد على اسم المستخدم وكلمة المرور ,, فبالتالي اعتقد انها احدى الطرق المعقدة قليلا وتحتاج الى اخذ النسخة من مودم شغال اساسا على إل تي تي ..
أما لو نجحت الطريقة اثانية بتعديل ملف سوفت وير المودم فستكون اسهل بكثير للجميع ..
السلام عليكم

MAD_MAN

2013-08-05, 05:45 AM

كلامك سليم خوي طارق
واللي درته كله كلام قريب على الواقع صح
احتمال كبير انك تديرها بهده الطريقة
رح نجرب ونقولك
بعدين اتصلت بيك وينك ما تردش ؟

wanaas

2013-08-13, 07:40 AM

السلام عليكم ورحمة الله وبركاته
ممكن اخي الفاضل صلاح توضح لنا كيف الحصول على Certificate او تحمل لنا الملف

evystore

2013-08-14, 01:03 AM

تم تجريب جميع الطرق وللاسف لم تعمل

ksaaaad

2013-08-16, 07:15 PM

السلام عليكم

توصلت لكيفية وضع السرتيفيكيت وقبله بدون اي تغيير فيه

ولكن المشكلة المتبقيه في الترددات

MAD_MAN

2013-08-16, 10:58 PM

السلام عليكم

توصلت لكيفية وضع السرتيفيكيت وقبله بدون اي تغيير فيه

ولكن المشكلة المتبقيه في الترددات

ياريت يا خوي تديرنا شرح بالصور بالتفصيل الممل
او دير شرح فيديو
وابعتهولي خلي نحطه للشباب خلي يستفيد الكل
ومبروك علينا :)

:l5:

ksaaaad

2013-08-17, 04:24 PM

ياريت يا خوي تديرنا شرح بالصور بالتفصيل الممل
او دير شرح فيديو
وابعتهولي خلي نحطه للشباب خلي يستفيد الكل
ومبروك علينا :)

:l5:

حاضر ياخوي انحمل الفريموير وانحطه رابطه والشرح شارحين الشباب مكفيين وموفيين

ksaaaad

2013-08-17, 05:23 PM

السلام عليكم

هذا رابط الفريم وير
http://www.4shared.com/rar/yhq69WHw/200240706_firmware.html

ksaaaad

2013-08-17, 05:26 PM

بالنسبة لليوز نيم والباسوورد حطيتهم بالنفس الطريقة الموجودة في المنتدى

والسرتيفيكيت ادخل عليها واختار ملف السيرتيفيكيت امتع الشركة و حيقبله بدون اي تغيير

بس قعدة عندي مشكلة التردادات ياشباب اللي يعرف كيف ينحطوا ياريت اينورنا

توم سوير

2013-08-21, 10:22 AM

السلام عليكم وكل عام وانت بخير
عملية ادخال الترددات تتم عن طريق تعديل ملف Config.bin
هذا الملف هكسا يعني صعب تعدل فيه لكن يحذفو منه أول عشرين بايت ويديروله في عملية فك ضغط/ فك تشفير بعدها تقدر تقراه وتعدل فيه كملف xml بعدين تدير عملية عكسية :

ضغط/تشفير
اضافة العشرين بايت
تحميل الملف

أنا وقفت عند عملية فك الضغط واللي تحتاج برنامج zlib
انشالله في حد يقدر يستفسيد من المعلومات هذي
خوي طارق ياريت تحاول في برنامج Zlib قبل ماتحاول Jtag
سلام

توغو

2013-08-27, 10:38 AM

السلام عليكم
خوي توم سوير يمكن تعطينا رابط تنزيل البرنامج ( Zlib )

توغو

2013-08-27, 06:56 PM

يا أهل الخبرة
لمادا getway mode : disabel
مش المفروض تكون enabel :19:
مع العلم ان الواي ماكس متاعي نوعه cpe 725 motorola

توم سوير

2013-08-28, 06:13 PM

ياخوي توغو أني وقفت عند هالنقطة
لقيت نسخ تشتغل عاليونكس لكن عالويندوز مالقيتش
بيني وبينك مادورتاش كويس
سلام

توغو

2013-08-30, 09:06 AM

شني يا ولاد ما في شي جديد بخصوص الواي ماكس:confused: الامريكي

r_s_algafer

2013-09-13, 10:15 PM

السلام عليكم
شكله مافيش اي جديد في الواي ماكس الامريكي

معمرالرويمي

2013-11-23, 02:41 PM

السلام عليكم
عندي مترولا 25150 مباش يقبل ملف الرخصة درتلة ابديت وقبل الملف الرحصة
لكن المشكلة معاش يقبل في اليوزر متع شاشة الادمن
بعد ما نكتب 192.168.15.1 معاش يقبل في كلمة motorola
شن الحل يا شباب افيدوني

توغو

2014-01-01, 02:24 AM

يا ولاد انا عيت ومليت وفديت ما لقيتش حل بكل
بالله يلي وصل لحاجة ياريت ايقولنا عليها

توغو

2014-01-04, 12:39 AM

السلام عليكم
يا ولاد من الاخير ومع احترامي ليكم لكن الحق مفروض نعترفو ان الواي ماكس هدا ماليشي حل الا الشاب الليبي يلي يخدم فيهم انا صح كانت مشاركاتي خجولة او شبه معدومة لكن الحق دورت في كل المواقع العربية والاجنبية ومافيش حل انا الحق فديت من محاولة تشغيله والله انا نكتب في الكلام هدا لاني فعلا حسيت اني فشلت :(
انا اسف لو ضايقتكم بكلامي لكن هدا الواقع

bmnnn

2014-01-04, 04:53 PM

قولوا للي يبيع في السوفت وير راحت عليكم و قريب نحطلكم الحل كامل و مفصل

white

2014-01-04, 05:59 PM

bmnnn منور منور :91::91:

هدا الكلير شنو موديله؟

calcio man

2014-01-04, 10:18 PM

السلام عليكم

بالله عليك يا خونا نبيو شرح بسيط للحل ولو فيه ملف مرفق يعني القائمة هدي كيف خشيت عليها وكيف تعدل فيها

لاني جربت حطيت كونفيق فايل يخدم علي جهاز تاني و حطيت فيرموير مختلف وحطيت فيرموير معدل مدخل عليه الترددات و فك تشفير وتعديل واعادة تشفير لدرجة اني شكيت ان العيب في المودم لكن جربت على مودم تاني ونفس الشي

لكن كان مشت الامور تبدي احسن واحد وليك مني دينار رصيد هدية ههههههههههه :l52:

توغو

2014-01-06, 08:10 PM

الله عليك ياحبيب والديك
وانا اسف على التعليق يلي نزلته المرة يلي فاتت :91:

توغو

2014-01-06, 08:20 PM

وعلى رحمة الولدين نزلنا الحل بسرعة

توغو

2014-01-07, 01:00 PM

السلام عليكم
بعد ادنك خونا bmnnn يمكن تنزلنا الرابط يلي خشيت بيه على الصفحة هادي على الاقل نحاولو معاك لايجاد حل
وشكرا

احمد505

2014-01-08, 07:56 AM

بما انك فكت التشفير و عدل على السفتوير لازم تغير dns لان المخزن مع السفتوير خاص بشركة كلير
و الخاص بليبيا هو
62.240.32.5
62.68.42.2

MAD_MAN

2014-01-10, 03:46 PM

بما انك فكت التشفير و عدل على السفتوير لازم تغير dns لان المخزن مع السفتوير خاص بشركة كلير
و الخاص بليبيا هو
62.240.32.5
62.68.42.2
dns ياخده من isp مش من الجهاز
لكن اكيد فيه كيف تغيره
بس في الاعدادات متاع موتورولا ما جربتش

calcio man

2014-01-15, 11:20 AM

تي وين منع صاحبنا طمعنا ومشي ؟؟؟؟

:135:

توغو

2014-01-18, 01:17 AM

السلام عليكم
خونا وين الاعدادات يلي قلتنا عليها
قصدي راهو ما تجيش اطمعنا وتمشي
وقبل كل شي شكرا على المجهود يلي بدلتها باش خشيت على صفحة الاعدادات
وياريت تحطنا الرابط خلي نحاولو معاك
وشكرا

MAD_MAN

2014-01-19, 03:03 PM

والله كلمته bmnnn
قالي مشغول شوية بياخد شوية وقت
بس من يوم 4 الى يومنا 19 مزال ماحطش اي حاجة
الغايب عدره معاه

وخلوه براحته رح يديرلكم الشرح وانا اول واحد نستنى فيه
تحياتي

white

2014-01-25, 04:58 PM

كان مشغول يقولنا عادي بارك الله فيه و يسهل عليه

MAD_MAN

2014-01-27, 05:08 AM

كان مشغول يقولنا عادي بارك الله فيه و يسهل عليه

كلامك مزبوط
بس خلوه براحته
مرات صعبة شوية باش يشرحها
ومرات فيها ادوات وما الى دلك

MAD_MAN

2014-01-30, 08:41 AM

الحق عطل هلبا صاحبنا
وحركة التطميعة هادي مش مزبوطة
ربي يهديكم يا عرب
والسلام عليكم

خير الناس انفعهم للناس

bipolargraph

2014-01-30, 10:46 PM

تعديل 2:
ممكن واحد عنده جهاز يخدم يديرdownload config.bin؟

إتبع الخطوات هنا
http://rootshell.covertbay.com/2011/08/motorola-wimax-cpei-35775-configuration.html

1.download config_hack_rootshell.rar from http://sdrv.ms/1ecoG1v
2. extract files
3.open rootshell_conf_down.html
4.log in motorola cpei25150
5.enter Ip into program
6.save

r_s_algafer

2014-01-31, 08:41 PM

قولوا للي يبيع في السوفت وير راحت عليكم و قريب نحطلكم الحل كامل و مفصل

وينه الحل والا دوة وبس
ان شاء الله المانع خير

توغو

2014-01-31, 11:23 PM

السلام عليكم
بعد ادنك يا خونا المشرف لو كان عندك رقمه ياريت تكلمه وقوله يعطينا الرابط متع صفحة الاعدادات يلي خش عليها خلي نحاولو معاه
هو الولد بارك الله فيه لكن والله الحق عطل علينا هلبا

MAD_MAN

2014-02-01, 04:19 AM

هو قالي بانه رح يدير شرح وانا الحق فرحت
بس الشرح يقعد كل هادي الفترة
يعني ما عندي ما نقول الا انها fake
والحق كرهت الناس اللي هكي
وياريت يطلعني كداب
ماعندي ما نقول الا
حسبي الله ونعم الوكيل
تبي الحق
ما نبي الحل لو بهالشكل

bipolargraph

2014-02-02, 12:40 AM

ممكن نجرب نأخدو ملف config.bin من واحد عنده جهاز يخدم و نحطوه على أجهزتنا?

calcio man

2014-02-03, 12:46 PM

قصة الكونبيق من جهاز يخدم لي جهاز ميخدمش غير ناجحة .. كان هدا راهو من زمان انحلت المشكلة

الفكرة اعقد من هكي

نتوقع الموضوع مش قصة اعدادات او لنك مخفي

الموضوع مرتبط بالكتابة في الروم بوصلة ال j-tag حسب ضني والله اعلم

حتي الصور اللي حطها الاخ و ماحطلناش لنكها ، مفيهاش اي علاقة بالترددات واللي هي المشكلة اللي نواجهو فيها بسبب اختلاف ترردات كلير مع ترددات ال تي تي

بالرغم من المحاولات عالتعديل فيها والنجاح في التعديل لكن مخدمش

اذا التفسير الوحيد ان فيه حاجة من المصنع مكتوبة ومتقدرش تغيرها بطريقة قانونية لازم تعاود تكتب في الروم

قصة مشابهة للاكس بوكس:l46:

bipolargraph

2014-02-04, 07:26 AM

http://www.youtube.com/watch?v=sHuhOG-s818

bipolargraph

2014-02-06, 12:31 PM

http://i.imgur.com/W6i2I2a.png
الترددات في ملف config.bin
So you have tried sharing the config files...

bmnnn

2014-02-10, 11:39 PM

الحق تاخرت عليكم بس هذا بسبب ظروف بنغازي .خاصة و انا من بنغازي و جراح .لكن التكلم عني بهذا الشكل لا اقبله و اقول لكم بارك الله فيكم .

calcio man

2014-02-12, 11:12 AM

الحق تاخرت عليكم بس هذا بسبب ظروف بنغازي .خاصة و انا من بنغازي و جراح .لكن التكلم عني بهذا الشكل لا اقبله و اقول لكم بارك الله فيكم .

السلام عليكم
يا اخي اسئل الله ان يوفقك ، لكن الكلام كان عام وماحدش طعن فيك ولا شتمك بس الموضوع خيبة امل الشباب اللي طال انتظارهم ليك

بعدين انت وعدت بشرح مفصل وربطت روحك ، لكن كل اللي نطلبوه منك هو طريقة دخولك لصفحة الاعدادات ولو بسطرين والباقي نشوفوه بروحنا

لان اغلب الشباب محاولين وزابطين هلبا حاجات يعني منبوش منك شرح من الصفر

وحتى لما خشيت قلت الكلمتين هذو وفتت صلب الموضوع !!

وتوا فاتو يومين وموليتش كتبت شي برضو

عموما الموضوع مش بالسيف لو تبي تعاون خوتك مشكور ولو حرجت ومتبيش نحترم قرارك ، وفي الاخر الحياة مستمرة

شكرا مرة تانية

MAD_MAN

2014-02-16, 01:54 AM

الحق تاخرت عليكم بس هذا بسبب ظروف بنغازي .خاصة و انا من بنغازي و جراح .لكن التكلم عني بهذا الشكل لا اقبله و اقول لكم بارك الله فيكم .

وشنو دخل بنغازي في الموضوع ؟
يا راجل لينا شهر نستنو فيك
هما وحدة من الاثنين
يا تدير الشرح وتربح اجرنا
يا تمشي على حالك

امى باش تقيس غلاك بهالطريقة واحنا مخنوقين
هادي شي ما يرضاش بيه حد

(ان دامت لغيرك لما وصلت اليك )

staind

2014-02-17, 03:24 PM

عندي واي ماكس امريكي جديد بي باكوه مش مستعمل يبي سوفتوير بي 30

لي يبيه يكلمني

نوعه motorola clear cpei 25150

0927015969
0913868456

http://i.ebayimg.com/00/s/MTU3MFgxNjAw/z/uT0AAOxyni9S~nzo/$_35.JPG

سﻻم الله

2014-08-17, 12:42 PM

السﻻم عليكم عندي جهاز موتوروﻻ لي يخدم بالضي وايرلس وانا قاعدة فبنغازي وملقيتش اي محل يعرف قصتهن
سؤالي هوا
لو شلت للمحل الروابط لي حطيتوهن هل ح يعرف ايفعله ليا ببساطة وﻻ في شي ناقص ﻻزم ايدورا ليا
الله يرحم والديكم وشكرا جزيﻻ

interoy

2018-01-29, 02:00 PM

هل يوجد حل لهدا الجهاز لكي يشتغل على شبكة Ltt:l12: