|
صعيبة تشده تحبها وتحسب غلاها ماتقدر اتعده ... مانقدر انعده نحساب غلاها وافي كبير لابده ... واعرة تجي بتعده تلقى كتاب غلاها فاضي والسطر ماحبر شده ... تحبها بشدة والغلا فقلبها ناقص عليك بوده ... نقص غلاه بعد مالقلب شده بقوة ... ونسى ماضيه قبل سنين وتوا ... سنين غرامه الأول نساهن فيوم سمع صوتك ... والغرام تحول ليك ومانشد حتى على ماض صعيبة تشده
|
ودي الرحيــــل معـــاك .... ويـــن ما يشيــــل خطاك نـــرحـل بــــلا تفكيـــر ... قــلبـــي معـــاك يطيــر ونبقـــى قـــريـــب حــــداك ودي نكـــون دليـــلـــك ... نبـقى الونيــس فــي ليــلك انتـي زهــا مــشــــواري ... حبــــك شــــذا نـــواري بيــك فرحـتي ومعــاك ودي القســـامي اتجيبك ... ونـعيــش دوم حبــيـبك تــزهـى معــــاك عيـوني ... وتظــــللك بجفـــوني وايـــش الحيــاة لــولاك انــي انـدللـــك وانــزيدك .... وانكـــون شمعـــة عيدك نرحــل معـــاك نعــدي .... ومـــا انفـــارقك يـا ودي والعمــر كلــه فــداك |
اقتباس:
معنديش الروح معاها كلمات فى غاية الروعة مشكورة جليسة :72::l43: |
هههه راك تهبلي بس ليا وبس ,هذا شعوري ودوم بيه انحس, عزيز خالقه ربي ليا وبس,ليا بروحي , ياللي شوفتك بلسم دوا لجروحي, وانت عارف روحك اتشابه روحي ,والحب واضح دوم ومايندس, ليا اوحدي عهد نبيه منك ما ادير بعدي .اوحق من خلقني وكل ما في جهدي,ماننساك مادام بينا نفس. |
ياصبر وين نلقوك . اتهون اغيابا علينا ، ياعزم بيش نشروك . ان كان دمع رانا بكينا ، ياجرح كيف ننسوك. وغالي غايب علينا ، ويانار كيف انطفوك . في الكف جمرك القينا ، ياعين راه يعموك. تبكي عليهم حزينة ، ياقلب ليش خلوك. في حال وظروف شينة ، يارجل كيف جروك . للخطأ وانتي رزينة ، ياخاطري كيف انرضوك . زعلان وتلوم فينا ، ياعمر كيف انردوك . اتعاود انعيشوا سنينا ، ويا فرح كيف انخلوك . غالي تبعد علينا |
الله الله والله كلام غير عادي اشق القلب شقان تسلمي كلك دوق روعة |
حنون امعاي لاتغيب عنى ولاتهون غلاي خليك ياغالى حنون وافى وخليك ديمه حنانك صافى وانت النفس وانت دواى الشافى وانت الغلا وانت حدود امناى |
غلاك عندي بالسماء مرتفع فوق ، دايم مكانه ثابت عند حده ، مهو بسهم تحكمه حالة السوق ، ولاهو بسلعة تنتهي عقب مده ، قلبي يضخه في شرايين وعروق ، حب سماوي ماخلق من يرده |
ميعاد مانك فيه ماله حس.. ولا ينطري ولا تقول فيه نفس..... ماهو أرياف وبس..لك شوق في الخاطر وما يندس.. والقلب في أبعادك إيريد إنفس.. وحتي الكلام الزين لك يندس.. وما يسمعوه الغير بأي وسيلة.. ميعاد مانك فيه مانمشيله. |
في خاطري نشكيلك وقصة حياتي كلها نحكيلك وفي خاطري نمشيلك نكمل ايام العمر وانت معاي وفي خاطري فوق الرموش انشيلك ياروح قلبي يا أسباب غلاي وراني من القلب ديما في الصلاة ندعيلك |
| الساعة الآن 11:25 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd