|
من انتم ؟!
http://www.elfagr.org/Portal_News/Bi...2011823798.jpg من أنتم ؟ .. نحن زناتة خشمك يا تافه واطاته ما تعرف نحنا من نحنا نحنا الدهماني والظهرة وفشلوم والهاني خط صحيح خلاك تعاني وقالولك يالله فارقنا ما تعرف نحنا من نحنا نحنا تاجوراء اللي نقلونا صوت وصورة في العالم صارت مشهورة وبيدينا راسك كسرنا ما تعرف نحنا من نحنا نحنا جنزور اللي سحناتك يا صرصور اللي قالتلك لا يا تور ودبحاتك قبل ما تدبحنا ما تعرف نحنا من نحنا أسباب هبالك إنت وجنودك وعيالك رزق بلادي اللي درته مالك بس اليوم حقنا رجعنا ما تعرف نحنا من نحنا نحنا الهنشير والهضبة وبوسبيم والغشير اللي محشمنا يا خنزير ولا يوم في شكلك أيدنا ما تعرف نحنا من نحنا نحن الفرناج و ( زناتة ) مع ولاد الحاج اللي التورة لينا تحتاج وقلنا لبيك وكبرنا مت نعرف نحنا من نحنا نحن الحشان مع ورد السبعة الشجعان اللي قلنا لا للطغيان وقلنا لا يا مدمرنا ما تعرف نحنا من نحنا نحنا كوابيسك اللي ما يفيدك فيها بليسك واللي ما توقف فيها تريسك وقربنا لي دارك قربنا ما تعرف نحنا من نحنا نحنا سيادك نحنا حرار ومنا عبادك يالله أرحل إنت وولادك يالله أرحل يالله وريحنا ما تعرف نحنا من نحنا نحنا السطاش مع عرادة النا ما تطفاش يد وحدة تشوف اللي ما شفتاش ونشد على اللي يعرفنا ما تعرف نحنا من نحنا نحن الشعال شجعان وولاد رجال اللي خلت جندك في هبال وبتزيدك لين تودعنا ما تعرف نحنا من نحنا نحنا الفرجان رجال وفراسين وشجعان ومعروفين في كل مكان وبيدينا قدرك طيحنا ما تعرف نحنا من نحنا نحنا طرابلسية نحنا اللي طلبنا الحرية يوم جتنا وجت بنية وما تعرف نحنا من نحنا ( توار زناتة ) عاشت ليبيا حرررررررررررررررررررررة للأبد ومنصورين بإذن الواحد الأحد تحيا توار زناتة |
ملاحظة مع احترامى لو فيه حد مؤيد مهما كان اصبحت عندنا ديمقراطيه وحرية راى لذالك نحترم راى و وجهة نظر اى شخص |
ما فيش مؤيدين في المنتدى
فيه ليبيين وليبيات يد واحدة تبنى مستقبلنا ( اكيد ما تعرف من نحن ؟ ) ثوار سوق الجمعة |
اقتباس:
ماتندريش لكن انى اللى نعرفه انه فيه لكن مش معنى مؤيد يعنى انه ضد التغيير |
:72:ا منور عليها
|
يارب نشوفوه هكي هههههههههههههه
|
شكرا لك على الطرح الرائع
مودتي |
نحن من نحن معليشيييي شفشوفى :129:
|
انتو عاجبكم القتل الي صاير في البلاد والناس اللي ماتو من جرت الناتو والتوار واللي صاير في سرت توا وحصارها وبني وليد وقصفهم بالاباتشي والطيارات عاجبكم حال الشرق وشن صار فيهم وشن قاعد ايصير اني من الشرق وعندي اهلي في بنغازي واللي نعرفه مش من القنوات وكله مزبوط تقريبا الحكايه مش في القدافي الحكايه في البلاد اللي معاش تصفي وكل حد يتحلف في التاني الدرناوية وجماعة اجدابيا يبو يدبحو السرتاوية ورفله مش هيسكتو علي قتل صغارهم في بنغازي وهلما جره خاطي الجيش اللي مات من القصف وغيره وفوقه التوار استعانو بالغرب يعني بنصرة الكافر فسرولي هادا في الدين شن معناه والمعروف ان من يتبع اليهود والنصارى فهو منهم و...و...و... هلبه دوة لو هادا هو اللي عاجبكم وفرحانين بيه سلمو علي ليبيا هلبه هلبه وهنشوفو الاحتلال شن هيدير فيها ربي يستر على عباده وخلاص والسلام عليكم |
اختى مرووة نحترم رايك و قناعتك
ولكن بصراحه الي نشوف فيه انك فاهمه على مستوى الناس الي استشهدو او ماتو اين كانو وعلى مستوى الكلام متع اداعة لبييا السابقه والي هيا الناتو و الغرب و الاحتلال و الكلام هدا وبس وقفتي على التفكير اختى العزيزه حنى كنا محتليين اكتر من 41 سنه من معمر و حكومته شوفي البلاد كيف كان شكلها الي مفروض تكون من احسن الدول على مستوى العالم نعم على مستوى العالم متاكد ميه في الميه ان لو خيرات البلاد صرفت عليها مش على غيرها لكانت البلاد تضاهي ارقي دول العالم ناهيك على موقعها الاستراتجي على البحر الابيض المتوسط والله لقد دمرها المدمر قبل ان تدمرها الحرب يا اختي كل الي طالبينه الشعب هوا الحريه و العيشه الكريمه انتي من بنغازي بالله عليك حال بنغازي و ناسها كانت تبكى الحجر الاصم من الفقر و المهانه و السؤال لمتى هدا الحال كان يجب ان تفيض الاكباد من الضلم و التخلف و الجهل الي حاول بكل الطرق المدمر غرس جدوره في صدور الشعب الليبي و لفتره طويله ولهدا السبب كان لنا ان ندفع التمن الكبير لكي نشتت هده الشجره المتعفنه من جدورها المتمكنه في صدورنا و الله ان الغرب لم يساعدنا على سود اعيننا وله مصالحه والكل يعرف هدا والله ان الثوار عاهدو على ان تكون ليبيا الجديده سوى ان تدخل الغرب او لم يفعل فالثوار قررو الموت بصدور عاريه لمواجهة الة الحرب القدافيه فبالله عليك كيف نداقع على انسان يقطع اجساد ابناء بلده بمضاضات الطائرات اختي العزيزه الغرب عرض المساعدة و الشعب الليبي قبلها فقط من الجو لانه ان لم يفعل لكان مصير بنغازي بالتحديد و مصراته و غيرها مصير الفناء المحتوم لا مجال للشك في ذالك انضري اعمال و تاريخ معمر و عائلته وانتي تعرفي ان ما حدث كان يجب ان يحدث الله يوفق الشعب الليبي و الامة الاسلاميه الى ما فيه خير البلاد و العباد |
اوك كلامك صح يا أخي واني محترمة وجهة نظرك بس أني ليا حوالي شهر ونص جايه من بنغازي وريت بعيوني اللي صار غادي وشن دارو التوار في البلاد واني معاك انه بنغازي كان الوضع فيها مش كويس خصوصا من حكاية التموين بالذات بس فسرلي حاجه واحده انت قلت التوار رضو بمساعدة الغرب من الجو فقط باه شن كان ايديرو القطريين والاماراتيين والاجانب في بنغازي بكلابهم (أكرمكم الله)واسلحتهم وحكاية انت من الغرب يعني انت لازم اتموت وهادي صارت لعيلتي شخصيا و...و..و.. والله اني نعرف هلبه حاجات خافيه عليكم هنايا ويعني في الاخر صار اللي صار والواحد يدعي انه ربي يستر علي الناس وجيب اخرته خير |
شن دارو الثوا في بنغازي؟
في بنغازي الثوار يقتلو في اي حد من العرب؟ شن كان ايديرو القطريين والاماراتيين والاجانب في بنغازي؟ وشن تعرفي من حاجات؟ انتي قولينا لو تعرفي شي منعرفوشي عادي متخافيش علي حد من اي شي قولي الي عندك و لو فيه شي مش صح او غير الي اني و غير نعرفوه حيبان توا او بعدين |
شوف التوار غادي قتلو هلبه من الغرب وقصدي من الغرب من ناس سرت لعند راس جدير وكانو يا خدو في عمال النظافه ويقولو عليهم مرتزقه وفي بدايه الاحدات طلعو منهم مجموعه ولبسو طواقي صفر وابدو ايهدو ع الناس ويضربو وغيره ويقولو باعتنا القدافي واكتر من واحد علقوهم في الكوبري وحرقوهم وهما حيين واللي قدام المحكمة نفس الشي ويخلو فيهم بتلات اربع ايام معلقين وغيره من حاجات معتقدتش انه الليبين ممكن ايديروهم لبعض وفي حاجه غادي حكاية الراديو المسيحي اكيد سمعتو بيها هادا شي مفهمتش كيف ارضو عليه غادي ونفش الشي انه يهودي ينزل علي ارض ليبيا ويدور فيها والاجانب والقطرين والاماراتين كان دورهم القتل وبس لاي حد مش عاجبهم او يشتبهو فيه انه من الخلايا النائمة علي حد تعبيرهم وغيره وغيره باه في حاجه الشراقه ناويين ايدبحو الغرابه هادا مصطلح داير بينهم وانهم يبو يدبحوهم وبعدين في سؤال مفهمتاش وياريت اتجاوبولي عليه اذا كان النظام فاسد يعني الرئيس والامناء اللي هما الوزراء فعلاش المجلس الانتقالي اتكون من رؤوس النظام السابق يعني هما خنبو في لانظام السابق ودارو ما يبو وبعدين انقلبو عليه باش ايعاودو الكره من جديد المفروض كان المجلس يحتوي علي ناس معارضين للقدافي وحكومته كاملة مش اعضاء من حكومته السابقه صح؟؟ |
بالنسبه للموضوع الاول زي ما قلتي معتقدتش انه الليبين ممكن ايديروهم لبعض هكي واكيد
فيه ناس شرفاء مش حيسكتو على هكي و حكايه يبو يدبحو الغرابه متسمعيش الدوه مفيش حد يقدر يدير هكي هادي اشاعات الغرض منها الفتنه. اما الاداعه و اليهودي و الاماراتيه اني شخصيا ريت صور لليهودي هدا في الميدان وحتى في غرفه العمليات متع الثوار و الامارتيه و عيرها بس كلها كلام و ميهمش تعرفي ليش ؟ لانه الشعب خلاص مش حيرضى يركبه حد تاني اسف ع التعبير بس هيا هكي و المجلس صح فيه ناس من النضام السابق و يحاولو حتى يعينو اقاربهم في مناصب داخليه و خارجيه بس صدقيني لن يصح الا الصحيح ولن يركب امواج هدا الثوره الا من قام بها والشعب لن يسكت على من يحاولون ركوب هدا الموجه لانهم واهمين وسوف يحاسبون او يسقطون بالشعب متل هدى السراري مديرسابقه لاداعة ليبيا الاحرار التي كانت ايضا من اتباع النضام السابق في جريدة الزحف الاخصر سابقا لا ضلم بعد اليوم لا للفرديه و التسلط بعد اليوم |
واني محترمة وجهة نظرك و قاعده عند كلامي محدش يفرح بالقتل وكل اللي نتمناه انه ربي يحمي ليبيا وناسها ويجيب اخرها خير يااارب |
امييييييين.
|
dixi
منور المنتدى مروة نبي نعرف حاجة واحدة بس دارها معمر قصدي المدمر - لليبيا فيها خير ؟؟؟؟ خليك ابدي من البداية من الضباط اللي دارو معاه الانقلاب اطفال الايدز البلغاريات ضريح عمر المختار تغيير اسماء ميادين وشوارع حرب تشاد راحوا فيها شباب وضباط ليبيا او بما يسمى الجيش الليبي حرب اوغندا وقتل كل رجع منها من الطائرة رماهم في الادغال تفجير ملهى ليلي في المانيا اطلاق الرصاص من مبنى السفارة الليبية على المتظاهريين الليبيين في بريطانيا مما تسبب بقتل البريطانية http://1.bp.blogspot.com/-pcwRlQIAfI...OTING%2B03.jpg http://3.bp.blogspot.com/-G26lkop-K8...OTING%2B04.jpg الحصار على ليبيا اللي لم يتاثر بسببه الا الشعب الليبي فقط ( لا اعني بدلك معمر وازلامه ) تسكير المحلات التجارية وفتح جمعيات ودخل الشعب في دائرة الفقر ويسلب اموال الناس ويدخلهم للسجن تحت اسم ( من اين لك هدا ؟؟؟ ) تمويل جماعات ارهابية للانقلابات على الحكومات في كل مكان في العالم ومعضمهم في افريقيا تحريف القران السخرية من نبينا الكريم محمد ( صلى الله عليه وسلم ) وكانه ينفي قولُ الله تعالَى لنبيٌه المُصطفى صلٌى الله عليهِ وسَلم ( وَإِنَّكَ لَعَلى خُلُقٍ عَظِيمٍ ) امر بتدمير الطائرة الليبيبة في بنغازي واتهام الغرب سجن بوسليم الداخل اليه مفقود ( لا سجل ولا اي شي ليه ) والخارج منه مولود حيث تتم التصفية بالتعديب والقتل ليل نهار بدون سجلات قتل اكثر من 1269 سجين في بوسليم في يوم واحد بل لساعات فقط ثانيا عندك علم فيه ناس مهمتهم شنو ؟ نقل الاشاعات وترويجها فقط !! تعرفي كيف ؟ يقعمزا في المكانات اللي تكثر فيها الليبيين والتقعميزات يعني شخص عادي جدا ً جدا ً يقولك خبر غريب وانت ما تقدر تعرف بانه صح او خطأ لين تشوف بعيونك لكن انت تنقل الخبر كما هوا وكل شوية تلقاه يتغير شوية او يزيد شوية انتي يا مروة بنقولك حاجة واحدة شفتي في بنغازي علم اسرائيل ؟ معلق في جامع او حوش ؟؟ او اي مكان عام ؟؟؟ هدا الشي يقول فيه صاحبك (زيف الاسلام وخميس خوه) باش يخشوا على بنغازي ويقتلوا أهلها وهدا الشي تقريبا شفتيه لولا تدخل الناتو راهو بنغازي امتسحت عن بكرة ابيها وانتي راهو ما كنتي تكتبي في شي في المنتدى واسف على كلامي الجارح شوية بس والله ما خفي كان اعظم ورح تطلع ملفات واسرار كبيرة شعر راسك لين يشيب على (المدمر القردافي ) |
بوجودك ماد وكلامك كله صار و ما خفى كان اعضمى
تو يبان كل شي و ليبيا مش كيف زمان |
السلام عليكم و رحمة الله و بركاته
انا مع كل يلي قالاته الاخت مروة لانى على تواصل مع اقرابي بالمناطق الشرقية و كانت اخر مكالمة ليا مع ولد عمى قالى بالحرف الواحد ( اعطينى نطلع من هالمنطقة انشاء الله حتى نسكن فى براكة جنبكم ) قالى تنظيم القاعدة امداير فينا يلي ما يندارش و التفريق الكبير بين اهالى الغرب و الشرق للاااااااسف انى مش مع معمر فى كل شئ لكن الفرق بين قبل و تواااااااا كبير هلبة كنا اقل شئ عايشين بامان و الحمدلله ع الاقل ما كانش صهيونى زي برنارد ليفنى يدنس ارضنا مش توا هو يلي يقود للاسف فى خوتنا معقولة ليفى خايف ع الليبيين و هو من اشرس اعداء الاسلام و فوق هذا يمزق و يعفس ع الراية الخضرا ( لانها راية الاسلام مش لانها راية معمر و الا غيره صهيونى زيه شنو ننتظرو منه ) الناتو الله يلعنه اتدخل بحجة حماية المدنين بس كلنا في ليبيا نعرفو كيف قتل الليبيين زي ما دار فى مجزرة ماجر و عرادة بسبب ان معمر قصف المدنيين بدون اي ادلة الا شهود عيان الزور و تحداهم اكتر من مرة ان يبعتو لجان تقصي حقائق او يعملو انتخابات تحت اشراف الامم المتحدة و لكن رفضو لانهم يعرفو ان كل شئ مش فى صالحهم و القصة كلها كذب في كذب و قصة المرتزقة في الايام الاولى نشوف بقناة الفتنة الجزيرة تعاود و تقض بفيديو تقول عليه مرتزق من افريقيا وقت ركزت بالمقطع لقيت انه هالشاب من منطقتنا قطعوله وحده من رجليه و وحده من ايديه و نكلو فيه بالكوبري ( هل هذه وصية نبينا فى معاملة الاسري ) لا سمعت ع طايرات تقصف في فشلوم و لا شئ و لا مرتزقة الجيش الليبي كلنا نعرفو انه فيه جنود ليبيين لون بشرتهم سمرا انا يلي قاهرنى الفتنة يلي صارت في البلاد و يلي يموتو فى النهاية خوتى و خوتكم الليبين مسلميييييييييين حاليا منطقة زوارة و نالوت رافعين علم الامازيغ و رفضو علم الاستقلال و صارت مشاكل بين الثوار في بعضهم هذا غير القبايل يلي بدت تتعارك فى بعضها اذا كان اعضاء المجلس يهمهم الشعب الليبي و مصالح الليبيين و مؤمنين بالثورة صح علاش ما يجيبوش اولادهم يحاربو مع الثوار اولادهم مسافرين البرا و يتمتعو بحياتهم و مش فارق معاهم شئ و الا دم الثوار يلي ماتوا مش هامتهم في شئ و تانى شئ انا يلي مش فاهمه علاش بعض الثوار يفطرو فى نهار رمضان المبارك قسم بالله يسكرو فى النهار عينى عينك و لما نحاول نسألهم يقولولى الصوم و الصلاة فى عهد معمر و توا عهده انتهى تى شن دخل الدين بالسياسة بس ربي يهديهم بس انا جاري شيخ و معارض الى حد الان هو مصر ان ما فيش ناتو يقصف في البلاد الناتو نفسه معترف و هو مسكر راسه من الاخر الحرب يا خوتى ع الاسلااااااااااااااااااااام ( و الثورات تمهيد لبناء الشرق الاوسط الجديد ) الانجليز قالوها لتر دم واحد من مواطن انجليزي يساوى دماء ليبيا كلها خوفى بس الايام الجاية نشوفو سفارة اسرائيلية فى طرابلس و تتبعها قاعدة على ارضنا الحبيبة و الله اعلم قداش رح تكون قواعد على ارضنا بعد ما تخلصنا منها زمان و يبدا اكتر من ديانه داخل ليبيا ( اعادة استعمار و ليس اعمار ليبيا ) صحيتو ع حرية ابداء الراي لانى ع الواقع ممنوع ان نقول رأيي تخيلو بالصدفة لبست فنيلة لونها اخضر الثوار ما تحملوش يشوفوها و مزقوها حتى البنات يلي تلبس حجاب فيه اخضر يهددوها تصرفات بعض الثوار صارت الضايق هلبه فى العباد حتى فى المعارضين انفسهم الهم احفظ بلادنا و سائر بلاد المسلمين |
ليبيا تحررت ومعمر سقط ومفيش غير دالك
|
بالنسبة للون الاخضر مزبوط شفت اكثر من شخص مزقوله فاناليته
ومزبوط انه اللى صار فرق عائلات وانى نعرف شخص طرد بناته لانهم معارضين وفعلا المفروض اى شخص من النظام الفاسد المفرو مايمثلش الثوار زى عبد الجليل وللعلم فيه موقف صار مع خوى شخصيا انه عندنا حوش كان ناقز فيه فلسطينى ليه 40 سنة ومن سنتين او ثلاثه خوى عطوه امر بالاستلام الفورى ولما مشى للجليل بما انه كان شاد العدل باش يوقعله ويروح وكان خوى والجليل والفلسطينى مقعمزين فقال الجليل للفلسطينى ماتخافش مافيش كلب ليبى يقدر يطلعك منه الحوش وكان مستند على مقولة القردافى البيت لساكنه اللى نبى نوصله انه كان جزء من النظام الفاسد ومزبوط انه احنا طلبنا مساعدة الكفار وهدا شىء الواحد ايواطى راسه منه زى فى بدايه الاحداث واحد من بنغازى قال (ادعينا لربى ما استجابلناش لكن لما ادعينا للناتو جانا ) استغفر الله ومزبوط انه فيه ناس فى الثوار مش مزبوطين لكن نحب نأكدلك يا اختى مروة انهم مش ثوار هادو المتسلقين هما اللى يحاولو تشويه مظهرالثوار وانى تحريت على الموضوع هذا شخصيا لانه لقينا انه المتطوعين اللى فى عهد القردافى يحاولو انه يتسللو بين الثوار ويدعو انهم مع الثوار فى نهاية الكلام نحن مع التغيير مش ضده واللى كان صاير معانا واللى ياريت كلنا نفهموه انه كنا جاهلين والسبب القذافى اللى عبى عقولنا بمقولاته متاع الكتاب الاخضر والمجتمع الجماهيرى والفكر الجماهيرى وكانه يحاول يقولنا انه رسول من الله ولا يجب المساس به واستغفر الله لانه تتطاول على الله ورسوله وفيه فيديو على اليوتيوب يحاول انه يفسر سورة ال عمران وفيه حقيقة ماينكرها حد انه فى ليبيا حتى الان لم نسمع بعالم واللى يحاول انه يكتشف شى يقتلوه على سبيل المثال زمان فيه شخص فى الغرارات تحديدا صنع غسالة بطريقة غريبة ....الخ بعدها اختفى لحد اليوم اللى نقصده انه فيه قمع شديد وتوة لما نشوفو تخريب زى اللى حكت عليه الاخت مروة فهدا لانه مافيش وعى مافيش ادراك والدليل انه مافيش ليبى يعرف تاريخه من القمع والجهل لم سمعنا بالملك ادريس كلنا قعدنا نحكو فى راسنا والمشكله ان الليبيين الناجحين كلهم فى الخارج لانه مافيش قمع وابسط مثال محمود جبريل هذا الشخص اقل مايقال عليه انه عبقرى لانه يسير مشاريع قطر والامارات ودبى وبريطانيا ونحن احق منهم به لانه ليبى لكن شخص هدا يفكر فى البناء بينما معمر يفكر فى الدمار لذالك اعتبره القذفى معارض وروسيا قالت انه محمود جبريل لو ماتبيشى ليبيا يبوه وبالرقم اللى يحطه يعنى شوفو لو ماكانش فيه قردافى لكان فيه ملايين من محمود جبريل ...الخ مانبيش نطول عليكم نحن مع التغيير نحن احرار وعاشت ليبيا حرة |
على فكرة انى سعيد جدا انه فيه احترام وحرية تعبير :l43:
|
الاخ Waleed
منو اللي خش على مصراته ؟ منو اللي رماها بالجراد ؟ منو اللي مسح المسجد من الزاوية ؟ منو اللي يرمي في المساجد اللي تكبر ؟ خليك من كلام قال وقال انزل وشوف الميدان شوف المقابر الجماعية شوف الشنق في الجامعات شوف القتل بدون محاكمة شوف المفرمة اللي مدايرها معمر للناس شوف الحاويات اللي مدايرها معمر للثوار في عز الشمس بدون تهوية شوف سجن بوسليم وشوف سجن اليرموك وشوف 50 شخصا رموهم بالرصاص والرمانات وبعدين حرقوهم شوف حالات الاغتصاب في مصراته اكرمكم الله لا مخليين لا دكر لا اثى شوف الفياجرا و الفودكا اللي يعطي فيها معمر لكلابه ما نبيش نقولك على الفقر اللي عشنا فيه رغم من اننا دولة نفطية وغنية جدا جدا ولكن شعبها افقر مما يكون في الاحصائيات العالمية علاش الناس المتعلمة تسافر لبرة ؟؟؟ لانه هنايا مش مداير قيمة للناس هادي علاش الناس اللي حالتهم تعبانة تسافر لبرة ؟؟ باش تخدم وتبعت الفلوس لعيلتها باش ياكلوا صديق ليا اسمه عبد الله قاموه في الرمضان لحد الان لم يعرف مكانه هدا هي البلاد اللي انت عايش فيها يا وليد يا همي ووووووووووووواااااااااك شنو الواحد يقول ؟؟؟؟؟ مش عارف حسبي الله ونعم الوكيل القردافي كان بيمسح بنغازي لو ما تدخلش الناتو وتقولي الناتو ومش عارف شنو تي كان بيمسحك حتى انت لانك لا شي قدامه يا راجل لما خشوا لباب العزيزية بدى يرمي في الراجمات على القصر حوش صديق يخدم معانا طاح عليه ماتو 2 من خوته يا راجل كانه ماعندكش يوتيوب دور كويس وشوف الكتايب شنو تدير في مصراته والزاوية وشوف اعلام القدافي الكداب وشوف في شنو كنت انت عايش في اكبر كدبة |
http://www.youtube.com/watch?v=3yqmpMM5w9w
حتى هادي جابها الناتو بفلوسه وحاطها دسها عند معمر http://www.youtube.com/watch?v=MQB6gUTDrzM&NR=1 وشوف الحاويات متاع جراوي القدافي حابسين فيها ثوار ليبيا يقتلو فيهم بالعرق حسبي الله ونعم الوكيل |
اقتباس:
اتمنى من ان تلقى كلامي بحرية رأي اكبر تحياتي Waleed |
http://a7.sphotos.ak.fbcdn.net/hphot...26246509_n.jpg
http://a1.sphotos.ak.fbcdn.net/hphot...81622241_n.jpg http://a6.sphotos.ak.fbcdn.net/hphot...87867402_n.jpg http://a1.sphotos.ak.fbcdn.net/hphot...44477399_n.jpg http://a4.sphotos.ak.fbcdn.net/hphot...54904663_n.jpg http://a2.sphotos.ak.fbcdn.net/hphot...78691872_n.jpg الناس هادي طلعت باش ما تموتش انت يا وليد ولا يموت اي حد ليبي دارت مظاهرات في الخارج خلت الحكومات بحالها تتحرك |
به نبي نعرف اللي قاعد يهتف بمعمر
قولي علاش سكر الانترنت ؟؟؟ قولي علاش يهرب في الضي ؟؟؟ علاش قطع عليكم المية؟؟؟ علاش قطع البنزين ؟؟؟ |
السلام عليكم
أولا عذرا لتأخري في الرد ثانيا اني نحترم وجهة نظر اي شخص بس يا أخ mad&bloody اني لما قلت رأي قلته لأني كنت في بنغازي من بداية الأزمة يعني من يوم ماطلع محامي اهالي ضحايا سجن بو سليم للطلب بتعوضيات مالية جديده وكيف مسكوه واطرو ايطلعو يوم التلاتاء قبل ما يطور الموضوع يوم الاربعاء ويخشو جماعه القاعدة المعروفين في الشرق باسم (زغد درنة ) طبعا بخصوص هالموضوع لو سألتكم سمعتو بحرب ال93 في ليبيا هتقولو لا لان وقتها ماكانش في اعلام الحرب هادي استمرت 6 شهور ضدهم و كملت ولا حد عرف بالقصه الا من كان علي مقربه من تلك المناطق الشرقيه كلامك يا أخ mad كلام سمعته من اكتر من شخص لما جيت طرابلس وانه معمر كان هيقصف بنغازي ويمسحه والذي منه الكلام هادا ماصارش والخبطات اللي صارو في بنغازي لطيارات قصفت مخازن أسلحه فقط لا غير ما جعل الموضوع يتطور هو السيد عبد الفتاح يونس رحمه الله (بغض النظر عما فعل فهو عند ربه ولا يجوز الايتاء بسيرة الميت)وحتى اتحاشى ان أخطأ في الرجل بلهجتنا العاميه جات منه الخونه ومن ثم من غيره من روؤس النظام نفسه (انقلاب عسكري بمصطلح القانون الدولي) الصراحه من البدايه لم أرد ان اتكلم في التفاصيل لانها طويله ولكن سأحاول الإجاز تم في ذلك اليوم (الإربعاء)خروج مجموعه من الناس للمطالبه بتحسين الوضع في بنغازي فيما يخص المساكن والتموين والشباب الي غير ذلك من المطالب المباحه للناس وللأمانه (خالي كان معهم) وبالحرف قال لي ان الامن لم يمنعهم لكن تفاجأو بوجود مايسمى بزغد =افراد من القاعده المتواجدين في درنة وللعلم الكل يعرف انهم موجودن ومتحصنون هناك المهم تفاجأو بوجودهم وبوجود أسلحه معهم وسارت المظاهرة الي مايعرف بكتيبه الفضيل بوعمر عندها بدأ هؤلاء الافراد باطلاق النار علي الكتيبه والكتيبه ردت باطلاق النار في الهواء قال خالي عندها انفض معظم الجمع وبدأو بالركض بعدها بدأ أفراد منهم يطلقون النار علي المتظاهرين فيما الجزء الاخر يطلق علي الكتيبه وقتها وصلت الانباء لطرابلس وتم ارسال عبد الفتاح مع كتيبه الصاعقه للتصرف سريعا فما إن وصلت الكتيبه انقلبت الامور أكتر وبدأ الهجوم علي كتيبه الفضيل بو عمر ومجموعه من الناس ارتدت قبعات صفر وصارت تتجول وتضرب وتقتل وما الي ذلك وتقول نحن ارسلنا من قبل معمر وبدأحمام الدم مع زيادة اعلاميه من الجزيرة والعربيه لما كان يحدث هناك ليتطور الامر تدريجيا ليومنا هذا ويضل السبب الرئيسي الخيانه من أولات الأمر والقيادين في البلد اسفه علي كلامي المطول ولكن ماحدث أكثر من هذا بكثير وحاليا يا أخي الفاضل بنغازي بدون كهرباء ولا مال ولا علاج والقتل اصبح علي قولتنا زي السلام عليكم ما أحاول إفهامكم إياه انها ليست ثورة والله العظيم ما قيل كذب عما حدث في بنغازي --------------------- بالنسبة للان ما حدث قد حدث وهذا قضاء الله وقدره ولكن نحن كمسلمين نعرف بشكل وااضح ان الاستعانه بالكافر حرام من والى الكفار فهو منهم وايضا ان نرتضي ليهودي ان يطأ أرضنا ويدوس علي راية الاسلام وان يتنُظر علينا ماذا نفعل لا تقولي انكم تصدقونه ما قاله لايمكن ليهودي ان يخـــاف على مسلم اما عن الناتو فقد قتل ابرياء ومدنيين وايضا حتى قتله للعسكريين أليسو ابناء ليبيا معمر أو ما أسميه عقدة الليبين سيموت عاجلا أم اجلا وستبقى ليبيا لا أعتقد انكم تصدقون أن من مات لهم أناس سواء في الجيش في الجبهات أو جرااء القصف سينسون دمااء أبناءهم أو ان نحيا في المدينة الفاضله لأننا أكتر عرب نعرف ان الليبين قبائل ولا ينسون الثأر والباقي معروف وبوادر هذا الشئ هو الخلافات وانتقام المعارضين من المؤيدن وهذا موجود إذا مستقبل ليبيا هو الدم اما الطامة الكبرى خوف بريطانيا وفرنسا وايطاليا وامريكا وقطر والامارات على حياتنا الغاليه وهنا انا اتهكم من نحن ليخافو علينا لهذه الدرجة ويبذلون كـــــــــــل هذاااا الجهد في سبيل سقوط الرئيس!!!!!!!!! الاجابة لا تحتاج لذكاااء انهم يرووننا بلداا سياحي بشاطئ رااائع وكنز نفط جاهز للاخد دون ادنى شك لا أريد أن أطيل أكثر من ذلك ولكن والله سترووون أياما لا تتمنونها لعدوكم وفي الختام نسأل الله أن يلطف بنا ويلطف ببلادنا وشكرا لكم على حرية التعبير التي أتحتموها لي ولـــــ السيد وليد والسلام عليكم |
انا معك فى نقطة انه اللى مررنا به ليس ثورة بل هو انقلاب عسكرى مع انه كنا نتمنى الثورة تكون من ليبيين دون تدخل الكفار ولكن عندما تقولين الشى هذا لاى شخص يقولك معمر عنده اسلحة لكن الشعب لا مع العلم انه تفاجئنا بظهور اسلحة روسية وقطرية وغيرها فى الشرق من الاسبوع الاول تانيا الشىء اللى يزيد يثبت الموضوع هدا انه فى يوم واحد ظهر مليون علم استقلال يعنى هذا شىء مدروس من قبلها والشرق كانو بيادق لاسياد خلف الستار والمشكلة اللى حرقتنى انى شخصيا انه فيه شيخ من اللى نطلق عليهم انى شخصيا مشايخ الديجتال قال انه لو عنده 1000 مصراتى لحرر فلسطين لهنايا تمام وهدا شى نفرحو بيه لانه عندنا رجالة وهدا مش شىء جديد على كوننا ليبيين المهم اللى صاير حاليا فيه تناقد للكلام هدا والدليل انه خزانات النفط فى البريقة محاطه بحراسه قطرية :( معقولة ليبيا خلاص معاش فيها رجالة ولا اشخاص ذو ثقه لحراسه ممتلكاتهم :confused: انى هنايا نحب نستدل بايه قرانيه ومش حنقوللكم قال شيخ فلان ولا فلان لانه عارفكم تتحسسو من الامور هادى قال تعالى (مَّا يَوَدُّ الَّذِينَ كَفَرُوا مِنْ أَهْلِ الْكِتَـبِ وَلاَ الْمُشْرِكِينَ أَن يُنَزَّلَ عَلَيْكُمْ مِّنْ خَيْر مِّن رَّبِّكُمْ وَاللهُ يَخْتَصُّ بِرَحْمَتِهِ مَن يَشَآءُ وَاللهُ ذُو الْفَضْلِ الْعَظِيمِ﴾ سورة البقرة الاية 104-105 طبعا هدا شى واضح بس انى حندير موضوع خاص وحنجيبلكم فيديوات وانتم شوفو واحكمو فيه ش نبى نقولهولك يا مروة بما انك بنت فاكيد ماشفتيش لما الثوار خشو لمعيتيقه ولقو سجون تحت الارض وفوقها قمامه وتحتها بشر هادى اسرائيل مادارتهاش وفى صلاح الدين لما لقو هنقر الجثث فوق 100 محروقين وفيه منهم لين ولو هياكل عظمية وطبعا اسرائيل كذالك مادارتهاش وغيره وغيره اللى ما داراتاش اسرائيل داره معمر وكل شى موثق بالفيديوات لاهو بعدسة العربية ولا الجزيرة بل بعدسة شباب ليبيين وزى ماقتلك حندير موضوع خاص لتوضيح كل شى بما فيهم البنت اللى حرقها هانيبال فى حوش معمر وفيديوات اعتداء القذافى علىبعض الفنانات والفنانين لاحظو قلت حتى فنانين وطبعا فيديوات حت الساعدى مانبيش نطول عليكم كلمة اخيره يا اختى مروة حتى المرض فيه اثار جانبيه ومضاعفات والايام الجاية اكيد حتكون فيه اثار جانبيه للثورة بس احنا لو ركزنا على مستقبل ليبيا وكل واحد منا بادر بالتصليح ان شاء الله ربى حيوفقنا http://i4.tagstat.com/image08/4/e565/000O053pelB.jpg تفائلو خيرا تجدوه |
الرائع في كلامك يا أخي أنك مدرك للوضع تماما وعارف شن هيصير والتبعات اللي هتنتج عن الموضوع ....اللي صاير توا انه الليبين ايفكرو في توا وبس المهم معمر يطلع بأي ثمن والعكس صحيح ايضا وهو وانتو متناسيين انه اللي تدمر حاليا هيا ليبيا واللي يموتو ناس ليس لهم علاقه بالصراع الدائر ... فلا هو حل المشكله من الاول وريح الناس ولا التوار أو بالاحرى رؤوس النظام المنشقين عنه حلوه بسرعه أو على الأقل بأقل الخسائر والاضرار يعني علي قولتنا لهو بي ايسيب ولهما بو ايخلوو وقعدنا حني في النص المهم خليك من معمر والمجلس وخلينا في ليبيا وشن نتيجه الوضع عليها أكيد انتا فاهم وعارف شن بيصير الحمد لله اللي جاب البلاد للوراء وللوضع هادا هو طمع الكبار معمر والمجلس واللي كلاها الناس وما يعرف بالتوار وربي يستر وشكرا ليك يا اخي على ردك وراحبة صدرك واحترامك لرأي وفي الاخر ليبيا هيا الاهم |
| الساعة الآن 04:59 AM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd