د س ال وكروت رصيد
السلام عليكم
مشكلتى انه نعبو رصيد 20 ويقعد اسبوعين او اقل مع العلم انه مانحملوش واجد واخيرا بطلنا تحميل بسبب هالمشكله ولما نعبو كرت 5 امتاع 1 جيجا يقعد يوم ويكمل رصيد شن المشكله مع العلم انه نستخدمو فيه وايرلس ع 4 اجهزة...بصراحة قعد موضوع مكلف شن المكشلة؟ وشن الحل؟ ومودمو فيه من خلف مكان ل4 اجهزة |
الحل
هو انك تدير باسورد للوايرليس تشوف البرامج اللي تدير ابديت وتمنعها بما فيهم الويندوز يفضل انك تركب فايروال لجهازك يعني نظام حماية كويس هدا من ناحيتك اما من الناحية الثانية وهي الشركة المشكلة مش فيك يا مواطن المشكلة في هالشركة الخنابة عيب عليهم والله يقووا بانهم ليبيين او مسلمين لانه المسلم ما يخنبش من خوه واللي يديروا فيهم كل شي خنبة لانه المفروض يكون الانترنت مع السرعة هادي يكون غير محدود Unlimate ولو في حالة انك حتى ولو عندك كمية محدودة لما يتم رصيدك ما يتوقفش يقعد سرعته بطيئة مثلا بدل 2 ميجا يخلوها 512كيلو او اكثر والله طلعت في المظاهرة وتكلمنا ولا واحد سمعنا ولا حتى وزير الاتصالات تلفتنا وكاننا قلة من الشعب او حنى بس اللي نبوا الشعب ياخد بحقه الى حد الان طلعوا في مظاهرتين المظاهرة الاولى طلعت والاخيرة طلعت ما فيش فايدة في الاولى ضحكوا علينا وفي الثالثة ما عدلوش علينا ليك الله يا ليبيا دوري حد ثاني ياخد حقك او ادعي لربي تخش شركات ثانية اتصالات مثلا باش تشوفي الخدمات الصحة والسرعات العالية بدون حصة محدودة |
مشكور خوى ع اجابتك
احنا دايرين باسوورد لجهاز بس قالونا غيروه لانه احتمال حد عرفه فنتعبك معايا هل بامكانك توضح لى كيفيه تغيير باسوورد اما بالنسبه لشركه فهدة شركه سراقة من اخير دارو روحهم زادو جيجات لكن زادو حقهن شكلهم!!!!! |
اقتباس:
http://www.libyars.com/lrs/showpost....30&postcount=1 |
الساعة الآن 03:15 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd