*من غيبت ريدي متفاجي..ماني ناجي..غير انلاجي..مستاجع في الموت انراجي

**رقدت اصحاب الكهف راضي بيها....لوكان طيف الغوالي في المنام ايجيه

**امبارح منامي جاب سمح الطلة ...تمنيت عمري حلم يكمل كله

**ياجميل وزين بلا شوق نشادة عليك العين..يابال رايفت

**وين ماعلي اتهف...نجي مكاني والارض بي اتلف...يابال شوفتك

**ماهن اقلال عقيدة...اينقن علي فرقاه ومواعيده....عليه رايفن

**كيف صلاتي...غلاكم اللي واخد جميع اوقاتي...انعيش صاينة في القلب

**يللي عليك خدينا....قليل كيفك في الحياة لاقينا...الله يحفظك

**ماهن سلف ياروحي...أيامي وغلاي و دمعتي وجروحي...فداك كلهن

**قطرة بقطرة ..لابس غلاكم توب انتم عطره....نفداكم بدم القلب قطرة قطرة

**موش بطوعي.. غلاكم تمكن في صميم ضلوعي..يانار في القلب

**لاخر نفس شاريهم... لانبيعهم للغير لا نعطيهم... غوالي لاخر نفس شاريهم

**مانحسابه....داخل صميم القلب دق انيابه...غلاك ياجميل النفس

**نرقد في نومي مطرف .....خايف باسم عزيز انخرف

**بلا ماتكري..في قلبي مطارح واسعة وفي فكري...كانك تبي تسكن

**وينك وينك.... عندي عليك حقوق وفي دينك....راني بنشكي فيك وينك وينك

**ياريت مافينا قلوب يحبن.....ولا اشواق كيف النار وقت ايشبن

**في صميم كيانه...في القلب نبضه وفي شريانه.....غلاك منحفر

**غلاكم عندي كيلا وافي....ماني جافي.... في صدري كاميه اريافي

************************************************** ************انشالله عجبوكم..
وهادي مني ليكم:
ياقراريين كلامي راني عليكم انسلم .......راكم غوالي من غير مانتكلم

جرك نوم احلمتي بيهم..........طرتي مفجوعة تبيهم

ايموج بكيده..
امرايف عليك وما ادباره فيده
قعد خاطرى حايس
ايموج بكيده..




عليك براده.
غايب وانا اللى عليه نشاد..
لادز ولاتكلم عليك براده..



قالب عليك الكون ...
وناشد عليك الحى والمدفون..
وين مختفى..
بالله قولى...

ياساهرين الليل شن سسهركم..؟
سهر دردشة والا الغلا جابركم ..؟




لو يطول بعادك..افهم كلامى
فالكنين قعادك..مايوم تنتهى...




فـــيك امسكنـــــــا..
وامــــــسك فيـــــنا..
راك اديـــــر غلا خاطينــــــا...



كون معاهـــــــم..
فى كل خطوه صونهم وارعاهم..
احباب خاطـــــرى..
يارب كون معاهــــم..





ماهم كيفـــــك..
فريد نوع طبعك وفى توصيفك
لقيتهم جميع الناس
ماهم كيفـــــك..





مانبيهن...متنازل على سباك عدى
بيهن كــــــبدى مع العيـــــــون مانبيهن...؟




عندك ميزه..
روحـــــك على روحــــــى
الحق عزيزة
مانك متيل الناس
عنــــدك ميــــزه...




وانت مانك فيها اتغيب الطعمه
يا العزيز عليها لو ريت دنيتى..





تزهى بيك تروق معاك اتحوس
بلاك العين يا عزيز هدا حالها..





ابعاد عليـــــا..
ودفا صوتكم قاعد مأتر فيا..
حنــــــون طبعكم يلى ابعاد عليــــا...





يا منام البارح..يا جياب اللى عقلى معاهم سارح..عاود الليله يا منام البارح.




امصـــــكر على ما فيه ..
راك تفتحه تبكى
سنين عليه خله خاطرى
امصـــــكر على ما فيه ...




احسبــــته حديد وصبه ..
القيته ورق من النار فيسع هبـــــه..
قلبى عليك رايــــــف...


يانفس وين اتحني طقي علي بيبانهم واستني.........لين يفتحوا