منتدى ليبياأرس

تربح

خلّيني
في همّي بروحي
خلّيني
في حالي تربح
أنا مجرّح
من كثر اجروحي
ما تلقي
فيّا وين تجرح

طبع احساسي
ما يلتمْ
امكسّر وامجرّح تجريح
وطبع أيامي
كيف اليَمْ
أمواج تحّرك فيها ريح
مرات اليَمْ يوالفني
وحتى أمواجه توالف بيّا
ومرة اتجي موجة
تحذفني
وع العين
اتغيب مراسيّا

خلّيني في همّي بروحي
خلّيني في حالي تربح

أنا جروحي ما فيها دم
ماهي كيف اجروح الغير
وزايدني فوق همّي هم
لمّا انداوي تزيد سطير
عدي
خليني في حالي
يفرّجها مولاي عليّا
ودوّر
لين تلاقي غالي
لا أنا ليك
ولا أنت ليّا

خلّيني في همّي بروحي
خلّيني في حالي تربح
أنا مجرّح
من كثر اجروحي
ما تلقي فيّا
وين تجرح