منتدى ليبياأرس - اسئلة تحرق الدم

نبدو

انت في دارك متلوح في فراشك ومطفي الضي فجأه يخش عليك
خوك او ختك ويفتح الباب ويقولك بترقـــد ؟!! (لا بنرقص - اكيد بنرقـــد !!)

---------

انت لابس سبدروك شبشبك ولأ حتا قندرتك و مشيت جيهت للباب .. فجأه يشوفك واحد من العيلة
ويعيط عليك ويقول بصوت عالي :- (هااا طالع !! (لا انجرب في الباب كويس ولا لا
الصراحه سؤال خطير !!
----------

انت قاعد في دارك وشاد الكتاب قاعد تقراء .. يخش عليك واحد من العيلة و يقولك
(هاا قاعد تقراء !! (لا نغسل في اسنوني !! يعني شاد الكتاب شني بندير اكيد نقراء)

-----------

انت قاعــد في مكان عام خلينا انقولو قاهوه صدفه شفك واحد من العيلــة او الاصدقاء .. قالك هاا شن دير هني !!
(انبيــع في امــيـة) !! بدون تعليق

--------------------
لا وتعالو شوفو قنواتنا العجيبه هما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأعيلتك بالعيد ؟ ! ! !

المواطن :- أنقولالهم كل عام وأنتم بخير . .

(( لا توا يقولالهم : منه الفلوس ومنها الصغار))

يعني السؤال تحفه والمذيع ومعد البرنامج اتحف على السؤال

------------------------
نضيع وقتنا إذا قابلوا الاطفال , , ,

يقول المذيع للطفل :- أنت تحب ماما وبابا ! ! !

(( لا أنحبك إنت ووجهك)) سؤال لايعلى عليه

----------------
برنامج مسابقات على الهوا :-

المتصل :- الوو السلام عليكم
المذيع :- وعليكم السلام اهلين
المتصل:- ممكن اشارك
(يعني انت تضرب باش اتشارك علاش تستأذن !! من كـثـر الأتكيت يعني)

تحياتي ليكم الكل