منتدى ليبياأرس

تو خطرلك

تو خطرلك تبعد عني

تو خطرلك تمشي مني

و تنسى الروح اللي حباتك

و القلب اللي ضم آهاتك

اتخيب يا غالي ضني

تو خطرلك تنسى ايامي

و تطويني صفحة فالماضي

تغدرني و تهتد أحلامي

و تفكيرك متهني و راضي

تو خطرلك تنسى وجودي

و اتبكي العين بدمعتها

تهجرني و تصيف عودي

و بالخونة اتطفي شمعتها

بعد ما كانت نور لدربك

و ما تمشي خطوة الا بيها

و فالشدة تنفيس لكربك

في لحظة تبي اتخليها

و تتركني فجروحي انعاني

بعد ما علقت فيك امالي

اتجيني تو اتقول انساني

احسبتك كنت رفيق لحالي

الله الله بعد ما كنا

تبرا فينا اجروح عذابك

تو خطرلك تبعد عنا

و اتقفل في وجهي بابك

و هذا رد اكفانا منك

تهجرني و تبعدني عنك

و اتخيب يا غالي ضني

تو خطرلك تبعد عني