منتدى ليبياأرس - كم من رفق وقت الرخا تلقاهم

كم من رفق وقت الرخا تلقاهم
و يوم الشدايد قاصرات اخطاهم

ماعد اهناك صداقه
صديق مصلحه ماهو صديق علاقه كم من امرار اليوم ريقي ضاقه
اخسارة العمر اللي قضيته امعاهم

صاحب ايبعيك كيف شري الناقه
وما خير تلقي في انجوم سماهم

طيبة القلب اتجيبلك نقناقه
درويش تبداء في حديث ظناهم

شاركتهم ما القيت غير الباقه
و قلت النخوه هي سبايب داهم

انكان الدواء والبعد هو افراقه
انهاجر و نقطع من ايجيب نباهم

لكن العبرة طبعها خناقه
م اللي عليك اغلي تبدا واهم

و ايجنك ايام اتحن لي لملاقه
تدرف ادموع امغير ما تلقاهم

و سترة البيت اتكون هي لرواقه
يستر عرب الاجواد من معراهم

اطري كما كليب وقت الناقه
مغدور من عالم انعيش امعهم