منتدى ليبياأرس - يلي عيليك اعبيت

يلي عليك عبيت *** انسيت الغلا بالخاينه كافيت *** شن درتلك من عيب

ما درت فيك السية *** ولا درت فيك العيب يا غاليا

صادق امعاك ابجد صافي النية *** الا كن غنوك الغير صوبي انسيت

انسيت الغلا والحب والحنية *** وانسيت الليالي الباهية وقسيت

انسيت جيتي يلاك فالكلية *** تحكي فحطني وبدموع بكيت

خنت الغلا كافيتني بالكية ***ولاعاد ضايق جيتي كان جيت

يلي عليك عبيت *** انسيت الغلا والخاينة كافيت *** شن درتلك من عيب

مادرتها في باللي *** تنسى الغلا وتخوني يا غالي

ناقبل نحسب فيك راس حلالي *** ويش غيرك عني وكيف اخطيت

من خونتك مادرت بعدك واللي *** كرهت الغلا من عملتك فديت

ومالي غلا قبلك ولا فتالي *** كل الوفاء والحب ليك هديت

ساهر مع ذكراك نومي جالي *** راح الزهاء من يوم ما عديت

ماعاد عندي شي غير العالي ***القادر على الواعر وليه دعيت

يلي عليك عبيت *** انسيت الغلا بالخاينه كافيت *** شن درتلك من عيب

للشاعر عماد رمضان سعد