http://up.qatarw.com/get-2-2009-n5t9t0w6.jpg

خسارة ماتوقعتك تبيع وتشتري فيني



خساره ماتوقعتك تبيع وتشتري فيني ,,, تخيلتك مثل غيرك تحس وداخلك إنسان!



وانا اللي جيت لك كلي وخليت اللي يبغيني ,,, تخيلت الهوا جنه لقيته للأسف بركان



رضيت الهم والقسوه ولا برضى تخليني ,,, ومن كثر الغلا والحب جروحك أصبحت بستان



ورغم الدمعه لامنك تنادي وقلتلي ويني ,,, البي وافزع لصوتك واجيلك جية الفرسان



تصد وتبتعد عني وأنادي لاتجافيني ,,, انا وش ذنبي تجرحني وتنسا حبنا يافلان ؟



اذكرك قبل لاتنطق حروف اسمي تلاقيني ,,, واخلي دنيتك حلوه بعينك كلها الوان !



ويوم احتجت انا قربك بكل سهوله ترميني ,,, وهذي حكمة الدنيا وفيت وجيت لي خوان



احيدك تعشق انفاسي و أحيدك كنت مغليني ,,, احيدك كنت لك نبضه وكنت بقلبي الشريان


حسافه ماتت البسمه وفرحة عمري وسنيني ,,, على الله والشكر لله منحنا نعمة النسيان!!!