|
هل كلام الناس يلعب دور في حياتك؟؟
هل كلام الناس يلعب دور في حياتك؟؟ والى مدى يؤثر كلام النااس عليك ؟؟ وهل من الممكن ان تتخلى عن اهداف وضعتها امامك بسبب الخوف من كلام الناس ؟؟ وهل النااس ستتحدث سواء كان فعلنا خطأ ام صواب ؟؟ هل كلام النااس يشكل عقبه نخشاها جميعاً ؟؟ هل نهمل كلام الناااس ولانهتم به من باب رضى الناس غاية لاتدرك ؟؟ هل اصبح الناااس يبحثوون عن فريستهم للتحدث به ؟؟ اتمنى اشوفـ ردودكنـ تنور صفحتيــ ودمتمــ بمحبهــ |
بسم الله الرحمن الرحيم موضوعك والله عجبني هلبة ويستحق الوقوف والتفكر بالنسبة ليا اني كلام الناس هذا شئ مفروغ منه لانه مفيش حد يسلك من كلام الناس ؛ وفي نفس الوقت ما نقدرش نتغاضى عنه لان الانسان مش عايش برحه في هالعالم ... اما كونه كلام الناس يخليني نغير اهدافي ومبادئي وقيمي فهذا مستحيل وهو كلام غير منطقي بالنسبة ليا اني . واما الحل في كلام الناس في اعتقادي ان الثقة بالنفس هي الحل الوحيد للتغلب علي هذه المشكلة هذا رأيي بكل وضوح ونشكرك علي موضوعك اللافت للنظر ونتمنى لك التألق والتميز |
امممممممممم ممكن تتفاجئى لو نقولك نفرح لما الناس تتكلم عليا وخاصة بالسلب لانه فيه مثل يقول اذا طعنك احد من الخلف فاعلم انك فى المقدمة وانى مقتنع تماما انه الناس ماتتكلمش بالسلب الا على الناس اللى فيها ميزة معينة
نقولك فى الكلام هذا عن تجربة لانه فيه ناس ماعندهم شى لكن من اسلوبهم وطريقة حديثهم تلقى العديد من الناس يتسارعون لملاقاتهم بينما اشخاص اخرون يحاولون تشويه هذا الشخص لانه يفتقدون لهذه الميزة نبى نقول مثال على الكلام هذا و حتى لولو كاتى تعرف فيه شخص فى شارعنا توفى المهم فيه واحد تانى حاط صورته فى النت وكاتب رحمه الله فانى لما لقيت الصورة كتبت دعاء وكتبت الله يرحمه بعدها تانى يوم جانى فى التشاركية قالى كيف تقول عليه هكى قتله انى شنى قلت قالى انت ادرى قتله ترحمت على الراجل قالى لا ماتترحمش عليه وصارت مشكلة وروح هوه بعدها وانى مروح جانى شخص كبير عاقل قالى محمد تعالى قتله ان شاء الله خير قالى فلان قالولى تعاركت انت وياه وحكيتله الموقف فرد عليا قالى اصلا لما روح منك يا محمد جانى فى المحل وقالى علاش مافيه حد ايعدل عليا وانى فلوس وعندى وعندى ومحمد اللى ماعنده شى كلهم يجرو وراهم ويتوددوله طبعا انى لما سمعت الكلام هذا دماغى ستك قلت هذا اكيد مريض لكن فى نفس الوقت فرحت انه هذا دليل انه ربى منعم عليا بشىء هو يفقده وبالرغم من انه قال عليا كلام سلبى الا انه عاد عليا بالايجابى وعطانى دافع انى نطور من روحى ونحترم الناس اكثر يعنى اللى نبى نوصله انه الناس كل يوم تتكلم فمش من الضرورى انه نعطى اهمية لكل شى نسمعه المهم الواحد يكون واثق من نفسه ويحاول يطور من نفسه |
| الساعة الآن 10:17 PM. |
Powered by vBulletin® Version 3.8.4
Copyright ©2000 - 2025, Jelsoft Enterprises Ltd