مسجات ليبية جميلة وخفيفة
نجمة نجمة ... جفاني عزيز ريت مقوى عزمه ... ساهر الليل انعد نجمة نجمة -- دونك الها تشكيلك ... لاقادرة تنساك لا تمشيلك ... العين حايرة -- اقتلني بيدك ... هذا خير من قولت معاش انريدك ... تعال قبل لا ترحل -- إنجيك والا إتجيني ... نبي نلحظك حتى دقيقة بعيني ...فكر امعاي إنجيك والا إتجيني - بين ساعة وساعة ... يجي طيفكم تحت الجفن يداعى ... أعزاز وين تخطروا - زيد اهجرني ... يجي يوم بلسانك تقول اعذرني ... وما نسامحك - غير أصبري ياعين خطوه خطوه ... راهو الغلا كالصيد يبي سطوه - كانك اتجيب نباهن ... نيران شوقك في كنيني راهن ... رماد خلفن - كنك معاهن كنك ... كان عندهن جنحان راهن جنك ... عليك رايفن الانظار - كله كله ... لا انديرغيرك لاغلاك أنمله ... واخذ العقل امعاك كله كله - كيف العاده ... كما شوق يعقوب النبي لولاده ... مازال شوقي ليك - كيف الدمار الشامل ... اجتاح المشاعر ناشهن بالكامل ... فتاك حبك - لولا غلا الكروت ... نفتح الخط امعاك لين انموت ... ونقهرو ليبيانا - ما عاد عندي صبر... تميت نرجى في الكفن والقبر ... من ضيق خاطري - مانك رخيص وهين ... غلاك في الكنين اليوم راه تعين ... موحال ينفصل - هم راقدين فــ راحه ... ونا العقل متوسد جميع جراحه ... والليل ما كمل - وين ما نقول نتوب .... نسهي نشوفك في غلاك نذوب .... تزداد لوعتي - وين مانقول خلاص ... اترن نغمتك عليا اتقول رصاص ... وتزيد غلا عن قبل - ياساهرين الليل صقع عليكم ... ياريتني برنوص ونغطيكم - يانايمين الليل وانا واعي ... ياريتكم عارفين حجم اوجاعي - يزيد غششهن ... يجي دمعهن غالب هدوب رمشهن ... عزيز وين ما يخطر - يلي غلاك قتلني ... إنكانك نويت القتل ما تقتلني ... ميت إبروحي - شن مازال ... واخد العقل وراحتي والبال ... امغير قوللي بالله شن مازال - كيف الدم ... كانه وقف يوقف العمر يتم ... غلانا مع الاولاف - بين القديم وناره ... وبين الجديد اللي العقل اختاره .... محتار خاطري http://img104.herosh.com/2010/04/29/780396732.jpg |
عقلى كان بلاك يروق ***نعدى ونبيعه فى السوق
خلك ياعقلى بعقالك *** لين غلا واثق نلقالك تغلب يالقديم النية *** راه السية تقعد سية قسمك يامدهوب الشيرة *** كان اخطانا نلقوا غيره راح بلاش الله لايرده *** سميناه قديم وعدا عزة نفسى مانوطيها ***كيف الشيك نوقع بيها جريت يالقديم عليك ***رياضة مش محبة فيك راجع يالعزيز ضميرك ***راك وراك مبكى غيرك وين عزيز يدير الشينة *** مكرا فيه ندير الزينة انفضهن يالقديم يديك ***على الله رزقى مش عليك مانخلى نفسى مندله *** مدام الاقسام عالله ان شاء الله يعجبوكم |
|
:l29::l29:مبدع |
اقتباس:
|
الساعة الآن 11:12 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd