قصة رقم 3 مع الليبيين
ثلاثة تسبب الإحباط:
الواسطة..و الديون..والمنتخب .
ثلاثة صعب نتخلى عنها:
الماء..والهواء..والبازين .
ثلاثة محتاجات واسطة:
البعثات..والشقق..ورقاية النخل .
ثلاثة يرفعوا الضغط:
الملح..وزحمة المرور..واللي ايحب ايعشش .
ثلاثة تسبب الغرور :
الفيلا.. والهامر..وبدلة الحرس البلدي .
ثلاثة ياكلوا في لحوم البشر:
الحيوانات المفترسة..والبزناسة الكبار..وجماعة القرمة .
ثلاثة لازم نتخلى عليهم :
التفنيص.. والبوزات..واللُّـقني وقت العمل
ثلاثة شبه اختفوا من ليبيا :
الهاتف الحراري.. واحترام الشيابين..والفراشية .
ثلاثة ما تحسش بطعمتهم الا في ليبيا :
امبكبة على الحطب..وبورديم..وشاهي العالة
ثلاثة تدعو لهم بالهداية :
البلعوط ..والمحسدي.. والخنايسي .
ثلاثة كان مشوا تتمنى ما عادش يولوا :
الفقر ..والمرض.. والبنت كان تزوجت .
ثلاثة تتمنى ما تصبحش فيهم :
سواق افيكو مستعجل..وطابور طويل في الشيل.. ومدير متعارك مع مرته.
ثلاثة ما ليهمش معنى إلا في ليبيا :
العسلوز.. والزميطة.. والعصبان .
ثلاثة لا تستخدم إلا في ليبيا :
الحمّاس..والكانون..والمغرف
التعديل الأخير تم بواسطة BLOODY ROAR ; 2010-10-13 الساعة 07:13 PM
|