بلادي وان جارت عليا عزيزة **** واهلي وان شحوا عليا كرام
اول شئ الموضوع عجبني هلبة ومنور يا خوي قن
وبعدين المفروض كل شخص يسأل نفسه اني شن قدمت لليبيا مش شن حصلت منها
اللي حصلناه من ليبيا هلبة مش شوية غير مرات الناس ما تقولش بالخير
لو يسافر الشخص خارج ليبيا يعرف النعمة اللي عايش فيها
لا عندنا ارهاب لا تفجيرات ولا اغتيالات ولا احزاب سياسية تلعب بينا
ولا فرق دينية تخلينا كالانعام بل اضل سبيلا
الحمد لله كلنا مسلمين وكلنا نتبعوا في السنة الشريفة علي صاحبها افضل الصلاة واكرم السلام
واللي نتمنى انه يتصلح اول شئ التعليم لان احني امقصرين
فيه هلبة وتاني شئ الصحة اللي توا كيف بدت تتعدل
وهذا كله يتصلح كان قضينا علي الفساد الاداري
اللي هلكنا وهلك العباد
لكن الحمد لله الفترة الاخيرة بدت الناس توعى للي قاعد يصير
والدولة بدت تحارب في هالفساد ولو كان بنسبة قليلة بس الحمد لله
المهم انه في تقدم ولو كان بطئ وزي ما يقولوا
مشوار الالف ميل يبدأ بخطوة
تقبل مروري عزيزي