[لولو كاتى]

مازال جرحك كيف ما خليته ,,,, لاهان لا هاون ولا داويته

مازلت نسمر منه ,,, مازلت ما نسهي دقيقه عنه

لاهو بري لاهان لاهونه ,,,, منه انزازي في الكنين كميته

لا لقيت صبر ولا عزايم جنه ,,,, من يومها عقلي معاك خديته

مازال جرحك جاير ,,,, منك دليل العقل تما حاير

تباعدت بانن من جفاك مواير ,,,, لا جيت لا حنيت لا واسيته

ولا با يهاون في كنيني داير ,,,, لوعات نا منهن النوم شهيته

مازلت فيه انعاني ,,,, ابقيت حايره ما لقيت من داواني

من يومن تركت الجرح في وجداني ,,,, لا سلت لا فكرت فيه نسبته

جرحك معاي هاسني خلاني ,,,, لكل البشر نحكي بما عانيته

مازال طالق فيا ,,,, نيران منهن ما انبات هنيه

تهلع ودار جروح لادن بيا ,,,, منهن الخاطر صاف يا لوريته

وفيك ننتضر وامتي تعاود ليا ,,,, يبرن جروح العقل كانك جيته

مازلت فيك انراجي ,,,, نازل معاي واكله الجواجي

انته اللي فيدك اسباب علاجي ,,,, وعارف ظروفي وكل ما حسيته

حتي ونا متحمله وانداجي و,,, ننقانه جرحك صعيب القيته