2010-07-02, 07:09 PM
|
#2
|
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21
|
لو كان الغلا بالكف ... نصفق عزيز نين نبرمه
_______________________________________________
الغلا مامات ... تخطر ديما حتى بلا رنات ... غالي ومازال الغلا مامات
_______________________________________________
كل الدوا جربنا ... مليون شيشه ياعزيز شربنا ... نهار غيبتك
_______________________________________________
مانهار طلقني ... امرايف عليك اوحق من خلقني ... خيالك وطيفك مانهار طلقني
_______________________________________________
العين رايفت ياما عليكم رنت ... اتردو عليها ياعزاز تمنت
_______________________________________________
ماعمر عيني غالت ... وماعمرهاشدت رحيل وشالت ... امفيت شوركم
_______________________________________________
عطبك عليها ليله ... عندي العين ماهي امتاعت حيله ... يابال رايفت
_______________________________________________
عالخونة ياما وصوني ... ناس اعزاز وبيها جوني
_______________________________________________
مابا يبرا ... جبناله طبيب وشيخ تما يقرا ... مسحور بغلاك العقل مابا يبرا
_______________________________________________
بريافك كليت الكبد ... نلقانك ياعزيز ضريتني
_______________________________________________
ينشد ديما ... من طلعة ضباب الصبح للتعتيمه ... عليك خاطري نشاد ينشد ديما
______________________________________________
لو كان انا اللي نختار ... نمشي انجيب غياب خاطري
______________________________________________
عيني عينك ... لادز مرسال لا سألني وينك ... عزيز فاتني بالجو عيني عينك
______________________________________________
العقل دلعوه اعزاز ... وخلوه في دار خالية
______________________________________________
غلاك امداد العمر ... انموت بيه وامعاي ندفنه
______________________________________________
اقلال وقله ... من فم عاقل موش حد يسلله ... اللي كيفكم نادر ... اقلال وقله
______________________________________________
كبيره قرعته في العقل ... عزيز امغير موعالم ابها
______________________________________________
ياسر ياسر ... لو اندير غيرك ياعزيزي خاسر ... واخذ عهد معاك ياسر ياسر
______________________________________________
صبر العين امغير شجاعة ... ماتحمل افراقك ساعة
______________________________________________
ويش اخبارك ... يللي عليك العين دوم اتعارك ... اتريد تنظرك لاكن بعيده دارك
______________________________________________
ماحد مالي عيني ... ولا حد غيرك في الغلا يعنيني ... ياقرعتي في الصوب
______________________________________________
يللي احملت بلانا ... نحنا عزمنا بالهون ماخلانا ... بلاك نحملو
______________________________________________
كيف التوم ... في ليلي ونهاري وصحوتي والنوم ... انريدك رفيق امعاي كيف التوم ..
______________________________________________
اغيابك داير جو قلق ... النوم سرق ... وجيج انكان اتريد الحق
______________________________________________
حتى كان رصيدي زيرو ... لماانحيرو ... في سباكم ياما انديرو
______________________________________________
جدا جدا ... قولت غلا ورياف معاد يسدن ... امرايف عليك العقل جدا جدا
______________________________________________
لو كان في سوق الغلا تجار ... رصيدي بغلاكم طق المليار... ومازال نربحو
______________________________________________
كيف العادة ... مازلت للخاطر زها ميعاده ... غلاك نبع ماينزح ايزيد زياده
______________________________________________
ماننساكم ... كنيني حنون وفي الصميم غلاكم ... ياقاعدين بعيد
_______________________________________________
رن وسكر ... على واحد يحلم بيك وفيك يفكر ... ماتخافش انحل عليك رن وسكر
_______________________________________________
انظر ايش داسه ليام ؟؟؟ دسي ادموعك ياعيون الهن
_______________________________________________
من كثر يالاعزيز غلاك ... تظلم واندير روحي ظالمك
_______________________________________________
اصعب شعور اتحسه ... اتغالي حبيب وفي الكنين ادسه ... وهو فايتك
_______________________________________________
يللي حنانك ميزة ... وروح المحبة فيك اتقول غريزة ... الله يحفظك من العين
_______________________________________________
|
|
|