منتدى ليبياأرس - عرض مشاركة واحدة

angel_ليبيا · 2010-07-14, 01:55 PM

كم من كلام

ينقال

ومن كلمات

قـولتهـا صعيبـه

وكم من حال

يُغنـي ع السـؤال

ومن حاجات

في الدنيا غريبه

--------------------------------------------------------------------------------

إيحبهــــا

إيحّبها

تبيه ويبيها

ما هو خفاء

لا هو مدرّق فيها

إيحبّها ... ويموت فيها

ايبوس الوطى

اللي تمشي عليها

هي الزاهيه بالود

هي الفايحه بالطيبه

هي اللي غلاها جدْ

وفي الحب قسمه ونصيبه

ووين طلبو منه يختار

اللي يتم امعاها المشوار

اختار اللي ما والفها لا يعرفها

لا مرة فـ عمره صادفها

لا وصّفها

تناسى اللي في القلب حبيبه

ما دورها

لا عاد تكلّم ع الحب

تناساها اللي اتفوح بطيبه

ما قدّرها

وهي لأجله ما هابت صعب

ولما أصحابه قالو ليش

كاين تهواها وتهواك

بلاك المسكينه ما تعيش

وما تطلب في غير ارضاك

قال : ما نبيها اللي نعشقها وهي تعشقني

ولي حبيبه

شرطي في اللي بنرافقها وترافقني

تكون غريبه !

حاجه غريبه !

--------------------------------------------------------------------------------

كم من كلام

انقال

وباقي كلام

الفكر مابا ايجيبه

وكم من اشاره

بينت لحوال

ومن حال

ما تنفع امعاه كتيبه

2010-07-14, 01:55 PM	#1
angel_ليبيا رابد ثانوي تاريخ التسجيل: Jun 2010 الدولة: ليبيا الحبيبة المشاركات: 150 معدل تقييم المستوى: 14	حاجة غريبة كم من كلام ينقال ومن كلمات قـولتهـا صعيبـه وكم من حال يُغنـي ع السـؤال ومن حاجات في الدنيا غريبه -------------------------------------------------------------------------------- إيحبهــــا إيحّبها تبيه ويبيها ما هو خفاء لا هو مدرّق فيها إيحبّها ... ويموت فيها ايبوس الوطى اللي تمشي عليها هي الزاهيه بالود هي الفايحه بالطيبه هي اللي غلاها جدْ وفي الحب قسمه ونصيبه ووين طلبو منه يختار اللي يتم امعاها المشوار اختار اللي ما والفها لا يعرفها لا مرة فـ عمره صادفها لا وصّفها تناسى اللي في القلب حبيبه ما دورها لا عاد تكلّم ع الحب تناساها اللي اتفوح بطيبه ما قدّرها وهي لأجله ما هابت صعب ولما أصحابه قالو ليش كاين تهواها وتهواك بلاك المسكينه ما تعيش وما تطلب في غير ارضاك قال : ما نبيها اللي نعشقها وهي تعشقني ولي حبيبه شرطي في اللي بنرافقها وترافقني تكون غريبه ! حاجه غريبه ! -------------------------------------------------------------------------------- كم من كلام انقال وباقي كلام الفكر مابا ايجيبه وكم من اشاره بينت لحوال ومن حال ما تنفع امعاه كتيبه