[BLOODY ROAR]

المشاركة الأصلية كتبت بواسطة mad_man

اوكي عندي عدة أسئلة
جاوب بصراحة وقول والله على ما أقول شهيد

س- قداش مرة حضرت محاضرات؟ كلهم ؟ قداش محاضرة كلهم على بعضهم ؟ في كل مادة مداير كراسة ولو كانت كراسة ملاحظات ؟
س-مقعمز في الصف الاول ؟ او الوسط او الاخير ؟
وفي اي جهة ؟ يعني جيهة الروشين ؟ جيهة الباب ؟

س - طبعا كل مادة لازم فيها عملي ؟ قداش حضرت محاضرة عملي ؟
طبعا كل مادة في اطلع على السبورة ؟ قداش مرة طلعت انت على السبورة ؟

س - في كل مادة فيها بحوث ؟ اللي طلبوهم منك كل الاساتدة البحوث ؟ انت جبتهم ؟ او فتهم ؟

س - لبسك ومعاملتك للاستاد شنو ؟ اي كلام ؟ ما تعدلش على الاستاد ؟ ولا ما فيش احترام بينك وبينه ؟

س - قداش بنت جاتك قلتلك نبي كراستك ؟

س - عندك علاقات عاطفية مع الجنس اللطيف ؟ او لا ؟ ولو عندك قداش وحدة ؟



جاوب لو قدرت
بصدق وامانة لو ما تقدرش تجاوب انسحب بصمت بس

اوكى حنرد عليك
بس اول شى بنقولك قداش مادة منزل او قداش المدة متعهم
طبعا السيمستر 45 يوم
انى منزل
برمجة
مبادىء فيزياء كهربائية
رياضة 1
مبادىء حاسب
فى كل مادة عندى شيت الا رياضة واحد لانه ماعطاناش قال اشرو كتاب
انقعمز فى تانى صفة لانه الصفة الاولى مايقعمز فيها حد لانه ماتشبحش السبورة لانه متواطيه هلبه الصفة الاولى والمكان اللى يشرح منه يركبله بالدروج يعنى زى المنصة
ونقعمز قدامه يعنى عينى فى عينه
اما بالنسبة للعملى فيه مادتين بس اللى هيا البرمجة ومبادى حاسب
الرمجة 3 محاضرات عملى انى حضرت 2
ومبادى حاسب فديمه عملى يعنى لو 8 محاضرات فانى حضرت6
اما بالنسبة لمتاع تطلع على السبورة فهادى مافيش مرات لما بيحاول يسئل من مكانك تجاوب وانى اكثر واحد كنت نتناقش معاه ونشارك مبادىء فيزياة لانه الوحيد اللى يسئل
وبالنسبة للبحوث فمافيش لانه انى جامعة مش معهد ومافيش الحاجات هادى عندنا مرة وحده متاع الرياضة عطانا اسئلة قال حلوها وعليها درجات وحليتها وعطيتهاله

بالنسبة الى اللبس فلبسى عادى وانت عارف اما معاملتى مع الاستاد اول مانجى السلام عليكم وصباح الخير او لما نطلع السلام عليكم بس مش اكثر او حتى لو صار نقاش على المحاضرة نجاوب فى ايطار السؤال بس يعنى لا نلقح ولا نتسهوك عليه

اما سؤالك متاع قداش بنت جت تبى كراستى فانى قلت من الاول انه شيتات والكل عنده
اما بالنسبة للعلاقات العاطفيه فلا ماعنديش كانو 2 صديقات فقط


هادى اجابتى بكل صدق او امانه

بس عندى سؤال ليك

انت استاد فى جامعة الرفاق لانه كلامك او اصرارك كانك اتدافع عليهم هدا اولا
تانيا حبيت ننقلك مشاركة احد الاعضاء فى احد المنتديات على جامعة الرفاق

اسمحو لى ان اتحدت عن احد قلاع التعليم العالى فى طرابلس وهى جامعة الرفاق
هدة الجامعة هى وكر من احد الاوكار الخفية فى ليبيا حيت هناك تمارس العنصرية بين كل الطلبة والفساد الادارى بجامعة
اولا مديرة الجامعة مهيبة التى تحصلت على قرض بملاين الدينارات لبنا هدة الجامعة هى واحد المسئولين فى التعليم العالى
لمن اجل مشروع تجارى مربح وليس من اجل تخريج طلبة متميزين ليفيدو بلادهم ومجتمعهم .
التنضيم الادارى للجامعة .
1. ابن مهيبة من موليد 1985 وهو الامر الناهى فى الجامعة وبدعى عماد وهو مشرف على الامتحانات بجامعة ويحب ان يسمع كلمة استاد عماد اين الوأهل العلمى لة كما انة يمارس سياستة الخاصة مع الطالبات ( اطلعى معاى بش تنجحى ) والله غالب على البنات ايسلمو فى انفسهم لهدا التعبان الفاشل من اجل النجاح اين الجهات الرقابية لمتابعة موأهلات العاملين
2. مشرفين الممرات الى هما صياع الممرات كل مشرف عامل علاقة مع طالبة والله يستر على بيحصل فى دورات المياة
لامة كمشة شباب من الشارع وعاملتهم مشرفين لان كل صايع قيهم ياخد فى 150 دينار فى الشهر سعر زاهد لايقبل بة اى انسان متعلم
بواب معهد الرفاق هو المشرف على ممرات الجامعة وابنة الشغالة المصرية مشرفة الاستقبال هل هدا هو اخر التعليم فى ليبيا .
مش جامعة الفاتح هى المشرفة على الامتحانات ليش ما تبعت موضفين يعملون فى الجامعة ويتقاضو مرتب من الجامعة

أهو أنى نقرا فيها جامعة الرفاق

والدوه اللى قلها خونا نازى

صح تـ والله طيحين يلحسو ف ضهورنا وخلاص

ومفروض الامتحانات الاسبوع هده , ونزل الجدول مفروض يوم السبت لكن

هما زى مايبو يدروه من غير حتا أعلان ويدرو زى مايبو


تـ والله حالة وخلاص ....

رسمى جامعة النفاق هيا من الرفاقـ



وعلـ الاساس هيا معتمده برا ليبيا تـ كلة كدبـ طلع

جامعة الرفاق . هل أسمها الرفاق أم النفاق بعينه !!!