[عبسي الحمديني]

السلام عليكم ورحمة اللـه وبركاته

The top 100 sites in Libyan Arab Jamahiriya

طبعا هذا تقييم شهري مقدم من أليكسا المعروفة في إحصائيات المواقع وهادي دودة بالنسبة ليا معرفة أكثر المواقع يتم تصفحها في العالم وفي البلدان وحتي تدل علي ثقافات واهتمامات شريحة كبيرة من الشعوب

نبدأ علي بركة اللـه

1- Google الليبي واضحة طبعا ^^

2- Facebook كاتر عليه الطلب كلها تبي تتواصل اجتماعيا

3- Yahoo كبيدة الشعب مع انه مايجي شي قدام الهوتميل في اوروبا وامريكا

4- Google العام نتائجه أوسع مدي من نتائج الليبي لأنه عام واضحة

5- Youtube اللي علي أساس مسكر وكلها تفتح فيه

6- Maktoob أو ماخشينا علي النت أكيدة كلنا قابلنا لأنه متفرع منه هلبا منتديات ومواقع

7- Kooora كلها مخاريم كورة طبعا وموقع يستاهل

8- Blogger خاص بإنشاء المدونات التقنية أو غير التقنية مجانا بمزايا محدودة طبعا

9- Live كلها بدت تقلب عليه ومش من جديد من قبل لأنه حاجة مليح

10- Travian.ae ترافيات اللعبة الإستراتيجية اللي كلها ادور في اشتراكات بالفلوس ليها جو^^

11- Conduit ماعرفاش الا توا ^^ شكله متاع ترفيه وبحث يعني متاع شراء ممكن زا أمازون كاني مش غالط

12- Opensooq مرات تشد في خدمة ^^

13- Gwaaly موقع تراثي اجتماعي جو للتحاور والنقاش

14- 4Shared واضحة الرؤية كل الفيديو والأغاني موجودة فيه بغض النظر عن إنه سيرفر رفع عريق ومليح

15- Ltt خخخخ باش نخشوا نشوفو قداش قيقا مازال ولا مرات فيه خبر كدابي فيه انصدقوا ويجروا بينا عالفاضي

16- Libyanyouths ترفيهي وواضح هلبا ، ماخشليش راص

17- Wikipedia.org محبوب الملايين تبي أي حد تقصقصه خش عليه

18- Elksad واضحة باش مايقولوش اندير في دعاية ^^

19- M5zn متاع تحميل ورفع الصور مكتوب الصور ماينحدفوش مش عارف

20- Twitter خليفة الفيسبوك إن شاء الله *_*

21- Microsoft باش نشوفو الإبداع

22- traidnt.net للدعم الفني للمواقع والمنتديات والتجارة حس مامكتوب مادخليش أنيـ

23- Msn محرك بحث ويخشوا منه للماسنجر عادي مليح حتي هوا ^^

24- Higheredu.gov.ly اللجنة الشعبية العامة للتعليم ان شاء الله معاش نخشله تمت

25- Imageshack.us الكبيدة في رفع الصور

26- Rapidshare للرفع والتنزيل وهلبا حاجات قوية ونفاخة

27- Bramjnet كان تبي تطلع بروفيسور نت وكومبيوتر منه

28- Mediafire حبيب الشعب كله في التنزيل سريع واموره من الأخير

29- ............. (إباحي)

30- mr7-ly فوتوه شات ولقني وغرائب وعجائب

31- Quryna صحيفة ليبية يومية وشاملة

32- Ac.ly مركز أكاديمي للدراسات والبحوث

33- maktoobblog مجمع للمدونات العربية فرع من مكتوب العام

34- Flicker نفس خامة الفيس والتويتر وشر وجو رفع صور وقروبات

35- Bdr130.net غربية اهوا في المرتبة اهيا

36- Google.com.sa جوجل السعودية شني ضاقت بينا ولا كيف

37- Imtihanat منظومة امتحانات الشهادات في ليبيا

38- Doctors.ly للأطباء والدارسين للطب

39- wodrpress إنشاء مدونات حتي هيا مجانية وقالب الوورد بريس معروف ومتشر هلبا

40- Alwatan-libya صحيفة الوطين الليبية من اسمها ^^

41- Xtendmedia ترفيهي شكله وجو شبكة اجتماعية

42- Libya-chat لاحول ولا قوة الا بالله ماعندي مانقول

43- Libyan-sat خش اتعلم وامنع

44- alhandasa.net مشروع تخرج شباب جامعة قاريونس ومن أفضل المواقع العربية الهندسة كان مش أفضلها من الأخير ^^

45- Libya-alyoum مسكر ومفتوح للي فاتح اليوتيوب

46- Jsoftj مرزن دمه يعطيك برامج من غير لا سيريال ولا كراك وعربي

47- Mbc.net قناة الشرق الأوسط العربي كلنا نعرفوها

48- Yieldmanger ؟

49- almanaralink منبر الإصلاح والنهوض هكي مكتوب

50- ........... ( دعاية وإباحي)

51- Brg8 دردشة ومش عارف شني ملحقات الدردشة

52- Gpc.gov.ly اللجنة الشعبية العامة

53- Jedaahbikers ترفيه والعاب سعودي

54- Hotfile للرفع والتنزيل

55- Bo7.net يمشي معاكم يا بنات

56- top-sat.net صايرله فيها المقفل الموقع اهوا

57- aljazeerasport.net واضحة ^^

58- ......... (زيه زا غيره)

59- Tagged موقع سبام بالدرجة الأولي ومكروه هلبا بالنسبة ليا

60- ......... مش عارف شني هوا فوتوه كأن مافيش 60

61- Googeusercotent ؟؟

62- DoubleClick حتي هو صايرله المقفل

63- Mozilla الشركة الرأئعة والمحبوبة من قبل قسم الكومبيوتر في العكسة خخخخ

64- Jeeran اجتماعي وتواصل عربي

65- ....... ( زيه زا غيره)

66- Ibtesama مجلة عربية منوعة

67- Arabseyes مكتوب عليه موقع العرب الأول في العالم

68- Google.uk جوجل الإنجليز

69- Libyasons زيه زي غيره من الـ Vb

Libyeeen-70زيه زي الـ 69

71- ......... (إباحي)

72- ziddu للرفع ولانزيل أحسن مافيه مايحذف في شي

73- ...... عربي المشكلة

74- Alfateh-results.net يتم عرض نتائج جامعة الفاتح فيه

75- Libya-na حطب ماعندهم شي زي زي غير من الـ vb

Netlog-76تعارف عربي كتروا اللي يقلدوا في الفيس

77- Sergiwa متخصص في جيمع برامج الحماية

78- Islamway موقع إسلامي من أوئل المواقع في الوطن العربي

79- Myegy سنتر الأفلام وكل شي جديد والنمبر 5 في مصر

80- Yoo7 لإنشاء المنتديات بالمجان

81- Ask محرك بحث معروف من الأوائل في العالم

82- 6rb أشهر من نار علي علم وهو ملحقاته مشكلته معبي فايروسات ماهناك حد يخشله

83- Adobe شركة اسمها يعبر عن هويتها واضحة النعتة ^^

84- Goal مدونة موقع رياضي بالعربي

85- ...... موقع ترفيهي واعلاني وفي مواد محظورة إلخ...

86- Sawlif معروف حتي هو وموقع قديم وكبير منوع وفيه كل شي

87- Libyanspider حجز واستضافة مواقع وغير هكي الوكيل الوحيد في ليبيا للكاسبر سكاي وحجز نطاقات أيضا ^^

88- Islamweb الشبكة الإسلامية يحتوي علي تسجيلات واخبار ومراجع اسلامية كثيرة

89- Bbc.co.uk موقع وقناة البي بي سي البريطانية المعروفة بالإنقلش

90- photobucket لرفع الصور

91- el3lam شبكة العالم للمنوعات وهلبا حاجات

92- ........ (إباحي)

Elaana -93 عالم إلا إنا منوع وفيه كل شي

94- Mywebserch محرك بحث

95- Azyya أزياء وموضة وفاشن

96- Aljazeera.net موقع الجزيرة وقنواتها العامة

97- Metacafe زي اليوتيوب لاكن أصغر

98- ratteb موقع لترتيب المواقع الليبية واختيار أفضليها

99- Akhbat-libyaonline موقع ليبي عربي ومستقل خاص بقضايا مجتمعنا

100- ....... والمشكلة عربي حتي هو *_*

إيه وتوا تمـ التصنيف شني رايكم في تطور عن قبل في التصفح ولا شني

شنيـ أرائكم وتعليقاتكم؟؟

فيـ أمان اللـه