[عبسي الحمديني]

السلام عليكم

القصة هاذى قصة وحدة كانت مع زوجها 4 سنوات فى بريطانيا يحضر فى الدكتوارة وقعدت تحكيلى كيف ان صغارها تأقلموا غادى وخصوصا فى الدراسة والمعاملة
وقالت ان ولدها فى الصف السادس جابلها استدعاء من المدرسة ...فهى اتقاجئت وقالت لبوه لازم نشوفوا
زعمه الانجليز شنو يبو فينا شن دار ولدى وبدت اتخمم المراة ؟؟؟
لما مشو للمدرسة وقابلوا المديرة تفاجئت امها لما قالولها أن ولدك فاز فى مسابقة تقام على مجلة محلية فى مادة التعبير وأن عند خيال واسع وموهبة لابد أن تهتم بيها وعطوها شهادة للتكريم ونسخة من المجلة اللى ولدها حيكتب فيها .... ورتنا المجلة
لهنى الأمور تمام ...
روحوا لليبيا وراجلها كمل المدة بتاعه وروح باش يستقر ويبنى حوش والجو هاذكا
فى الاسبوع الثانى جاءهم استدعاء من المدرسة الليبية ومشوا عــــاد نفس ماداروا لقوا ابلة العربى طلعتلهم
قتلهم ولدكم ميفهمش ...100 مرة قتلة عبرلى فى 4 سطور بالكثير وهو طايح يكتبلى فى الصفحات انى هذا كله منقراش فيه ..قداش بنقرا
الاب والاب صابتهم خيبة امل وقعدوا يفهموا فى المعلمة راهوا ولدنا هكى وهكى قالت ولدكم يعاند فيا ...انى حرة نبى 4 سطور بس
روح الاب والام من المدرسة وهم فى راسهم مقارنة بين مستقبل ولدهم غادى ومستقبل فى ليبيا
الهندية من أمام احدى المدارس الليبية