[MAD_MAN]

المشاركة الأصلية كتبت بواسطة waleed

انى مش مع معمر فى كل شئ لكن الفرق بين قبل و تواااااااا كبير هلبة كنا اقل شئ عايشين بامان و الحمدلله

به هادي فهمناها

الناتو الله يلعنه اتدخل بحجة حماية المدنين بس كلنا في ليبيا نعرفو كيف قتل الليبيين زي ما دار فى مجزرة ماجر و عرادة

اه توا بديت في الكلام اللي تجيب فيه الليبية ايه هكي صدقتك مش مع معمر


بسبب ان معمر قصف المدنيين بدون اي ادلة الا شهود عيان الزور و تحداهم اكتر من مرة ان يبعتو لجان تقصي حقائق او يعملو انتخابات تحت اشراف الامم المتحدة و لكن رفضو لانهم يعرفو ان كل شئ مش فى صالحهم و القصة كلها كذب في كذب

مش لجنة تقصي الحقائق
انت الصحفيين نفسهم ما قدروش يطلعوا من فندق ريكسوس لانه ممنوع عليهم بكل انه يتحدثوا مع اي مدني
قالك علاش لانه عندهم مشكلة مع قنوات الاخبار



و قصة المرتزقة في الايام الاولى نشوف بقناة الفتنة الجزيرة تعاود و تقض بفيديو تقول عليه مرتزق من افريقيا وقت ركزت بالمقطع لقيت انه هالشاب من منطقتنا قطعوله وحده من رجليه و وحده من ايديه و نكلو فيه بالكوبري ( هل هذه وصية نبينا فى معاملة الاسري )


بالاثبات وبالوقائع بالفيديوات اتفرج على اليوتيوب

لا سمعت ع طايرات تقصف في فشلوم و لا شئ و لا مرتزقة الجيش الليبي كلنا نعرفو انه فيه جنود ليبيين لون بشرتهم سمرا

سمرا لكن مش جواز سفرهم من مالي او النيجر او تشاد
خليك عقلاني هلبا
فيه حتى من الثوار سمر

انا يلي قاهرنى الفتنة يلي صارت في البلاد و يلي يموتو فى النهاية خوتى و خوتكم الليبين مسلميييييييييين حاليا منطقة زوارة و نالوت رافعين علم الامازيغ و رفضو علم الاستقلال و صارت مشاكل بين الثوار في بعضهم هذا غير القبايل يلي بدت تتعارك فى بعضها
اذا كان اعضاء المجلس يهمهم الشعب الليبي و مصالح الليبيين و مؤمنين بالثورة صح علاش ما يجيبوش اولادهم يحاربو مع الثوار اولادهم مسافرين البرا و يتمتعو بحياتهم و مش فارق معاهم شئ و الا دم الثوار يلي ماتوا مش هامتهم في شئ

هادي مش خاشتلي راس بكل

و تانى شئ انا يلي مش فاهمه علاش بعض الثوار يفطرو فى نهار رمضان المبارك قسم بالله يسكرو فى النهار عينى عينك و لما نحاول نسألهم يقولولى الصوم و الصلاة فى عهد معمر و توا عهده انتهى

تفرج على مفتي ليبيا الشيخ الصادق الغرياني اولا
ثانيا الكلام هدا ما يقوله ثوار اللي يكبروا ليل نهار
يقولوه جماعة الكتايب بس اللي يخشوا على حياش الناس ويخنبوا





انا جاري شيخ و معارض الى حد الان هو مصر ان ما فيش ناتو يقصف في البلاد الناتو نفسه معترف و هو مسكر راسه

من الاخر الحرب يا خوتى ع الاسلااااااااااااااااااااام ( و الثورات تمهيد لبناء الشرق الاوسط الجديد )


هدا مصطلح جديد اول مرة نسمع بيه ومافيه حرب على الاسلام
فيه حرب القدافي اللي ماليه لا اصل ولا صورة ولا دين ولا ملة
يقتل في خوتك الليبيين
وهو فرض علينا القتال


الانجليز قالوها لتر دم واحد من مواطن انجليزي يساوى دماء ليبيا كلها

وانا عندي قطرة دم ليبي تساوي دم بريطانيا واللي حواليها
شوف القدافي قداش دبح وشنق وحرق وخرب و و و و و و و و


خوفى بس الايام الجاية نشوفو سفارة اسرائيلية فى طرابلس و تتبعها قاعدة على ارضنا الحبيبة و الله اعلم قداش رح تكون قواعد على ارضنا بعد ما تخلصنا منها زمان و يبدا اكتر من ديانه داخل ليبيا ( اعادة استعمار و ليس اعمار ليبيا )

هادي ما فيش منها الدوة بكل
والله كان تموت ليبيا كلها ما ترفسها رجل صهيوني
عاجبك معمر لما رحب بالجاليات اليهودية واعاهم قريب مليار من الهدايا والدهب ؟؟ هو وولده سيف

صحيتو ع حرية ابداء الراي لانى ع الواقع ممنوع ان نقول رأيي تخيلو بالصدفة لبست فنيلة لونها اخضر الثوار ما تحملوش يشوفوها و مزقوها حتى البنات يلي تلبس حجاب فيه اخضر يهددوها تصرفات بعض الثوار صارت الضايق هلبه فى العباد حتى فى المعارضين انفسهم

ومنو قالك انه كلنا عندنا حرية رأي
انا واحد من الناس
ما عنديش الريح وين تدور مع الطحالب
من العار اللي داروه

شوف بروحك الفرق بين مسيرات مليونية اللي يقول عليها القردافي
وشوف توا الناس كيف طالعة في ميدان الشهداء بالاعلام

وشوف الناس النظيفة
مش زي اللي كانت تطلع يكروا فيها كران من حياشهم


الهم احفظ بلادنا و سائر بلاد المسلمين

امين يا رب

اتمنى من ان تلقى كلامي بحرية رأي اكبر
تحياتي Waleed