2010-09-04, 11:42 AM | #1 |
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
شيبانى وعزوز تهدريزه
الشايب أحدا العزوز طال اقعاده ******** تعالوا معانا نسمعوا ميعادا قالت : نـــــــــــــوض ياشيباني **** سبسيك من الدخان لين عماني يثعبن رقي في الجو لين غطاني **** تحلف حريقه نارهــــــــا وقاده أنت والرياضي صحبتك رباني **** أسنونك مشن والشيب زاد زيادة تقول غر دايرلي الا بلعــــاني **** تسبس وترمي عالفراش رماده وهراجك اللي خلف مرض في اوذاني**** تقول راديو عالي علي لحداده وحتى وين مــا ايجـــينا اللي برانــي **** ما تصبله شاهيه من براده مغير متكي ونا والبنــــات انعــــاني **** حتى مرفقك منا شكت الوسادة ونا في الشقاء والهم طول زماني **** فلاحة ومسدة والحياة مرماده وصغاري اللي ربيتهم في احضاني **** عليهم حملت المر ذقت انكاده قديش ماحطيت فــــــي كشبـــــاني **** وزازيت بيهم ركبتي لوساده وديتهم م القلب كـــــــــل حناني ***** أيـــــــام المعيشة عالعباد مكاده وقديش ياما درت بين سواني **** غاب القمر والليل شين سواده اللقط الطايح من نخل جيراني **** م الفجر لــــــــول سروة الجبادة وياما سهرت ومامنامي جاني **** إن مرضوا عليهم دمعتي بداده زيت البلاد وليم هن دويانـي **** وصرة تراب انديرها كمـــــاده ولا فيه حاجة نذوقها بلساني **** الا وين ماشبعوا وفيه زيادة وياما وياما ريت في صغراني **** ماضي مشى ما فايده في عواده واليوم في نعمة الله عطاني **** كبروا ضناني وهم لي اسناده مغير الشقاء مازال ماخلاني **** الا القلب متريح ونال مراده ياالله ياعالم اللي جواني **** الدوم السعادة ماعليك مكاده وبعدين رد عليها الشايب الشايب قال : فأول بــــــــــــادي **** ترى غير صلي يامرا عالهادي حتى اني رانـــي انــحب اولادي **** مانك اللي وحدك لهم وداده عليهم خدمت سنين جاي وغادي**** ومامن شقا شفته صعيب عداده من صغرتي بدن معاي أنكـــادي **** وين ماتواري بوي تحت لحاده نحمد رحيلي كان سال الوادي **** اتشوفوا البرق ونقصدوه اقصاده وقديش ماسافرت نــا وندادي **** في وطن خــالي بومته غراده وقديش مارافقت ناس اجوادي **** الواحد تعزك رفقته وقعـــــاده يسمع نداك يجيب وقت تنـــادي **** عنده جميع النـــاس كيف أولاده وإن رافقت رافق زين خوده مبادي**** إلا العفن مامنه تنال افاده طرابلس -بنغازي -البيضا-مسه**** أجولت فيهن غصب ماهي راده اندور علي المليم بيش اندسه **** وتبعت مــــوال البنا ورشاده واللي معاه العرف مايتوصى **** ايدير مايليق ويقبلوه انداده قال : الواجب علي عملته **** في شانكم مامن عذاب حملته وقسمي اللي مكتوبلي حصلته **** الا فوق منه ماريد زياده وهذا كلامي واسمعوا ماقلته*** كريم ربنا يرزق معاش عباده وخش الابن في الكلام وقال: الأبن : قالوا المال ذهبية **** مفقود رايح والرجال اتجيبه واللي وراها ليد موش صعيبة**** اذا كان متحدين موش فراده وراهي حياة المرمده العطيبة**** اتشيب صغير السن قبل انداده واسأل امجرب ينفعك تجريبه**** يفرج عليك الكرب بعد انكاده ةابنادم زهى لأمه نهار تجيبه**** عليهم تزغرت لابسه لقلاده ووين مارحل والموت هي القريبة**** ايديرن عليه النايحات معاده والدنيا هوى فيها أمور عجيبة **** اتضحك تبكي مالهاش احداده والمـــــال وين اديرله تسبيبه **** يعينك الله تسير في ميراده وخالط الناس بود وتشرهيبه **** ولبي ندا مولاك وقت إن نادى واصبر أن لاقاتك أمور صعيبة**** والصبر هو الأساس للعباده القصيدة للشاعر المرحوم علي مفتا ح الاحمر
__________________
التعديل الأخير تم بواسطة BLOODY ROAR ; 2010-09-04 الساعة 04:03 PM |
2010-09-04, 11:52 AM | #2 |
إن خانك من تُعزّ فلا تحزن
تاريخ التسجيل: May 2010
الدولة: سوق الجمعة
المشاركات: 2,799
معدل تقييم المستوى: 17 |
الله الله نكد غير عادي
يعطيه الصحة لي كتبة منور يا قنوش
__________________
نعيش كالبحر .. ونموت وأعماقنا كأعماقه .. لا يراها إلا من يجيد الغوص فيها كما يغوص الغواص في البحر |
2010-09-04, 12:32 PM | #3 |
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
منور بوجودك يا حليمة
__________________
|
2010-09-04, 03:12 PM | #4 |
·····Ξ♥βŁДcķ♥Ξ·····
تاريخ التسجيل: Sep 2010
الدولة: لــيـبـيــا
المشاركات: 41
معدل تقييم المستوى: 0 |
حــــــــــــــــــــــــــــــــــــلو الكلام بجديات يعطيك الصحــــــــــــة
بس هدا منقول ولا من كتاباتك؟
__________________
|
2010-09-04, 03:15 PM | #5 |
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
__________________
|
2010-09-04, 04:03 PM | #6 |
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
القصيدة للشاعر المرحوم علي مفتا ح الاحمر
__________________
|
|
|