|
|
|
|
|
|||||||
| الكتب والاشعار القسم الأدبي : كتب - أشعار - خواطر .... |
 |
|
|
أدوات الموضوع |
2010-10-20, 06:05 PM
|
#1 |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21  |
(شعر ليبي) حوار بين المحب ومحبوبته
يكفي غلا يزي غلا يكفيني ليش الغلا دامه عذاب يجيني ليش الغلا نشقابه وليش الغلا دامه كثير أتعابه وكنت الغلا ياحبيبتي نحسابه تبقي معايا طول العمر وترافقيني لين كيف قلبي جامعين أصحابه وإنت عروس محنية بتجيني لكن غلاك اليوم قافل بابه ولاعاد بنشوفك ولاتشوفيني وقلبي نساه الحب هاللي صابه ماضي جميل قداش واعدتيني نقضتي وعودك ليش ياكذابة بلامال لحزارنا بعتيني ****** ردت عليه حبيبته : بالله ماتظلمني وبالله عاللي صار ماتخاصمني وهاللي جري يامحبوب ماهو مني وحق حبنا وحق ربنا وحق ديني وكل ماحدث ياناس غصبن عني غصبن عليا رغم أنفي وعيني الشايب حلف بيمين مايرحمني ولو مانوافق في البحر يرميني ولو مانوافق قال بيعدمني ولو مانوافق قال بيجليني ووافقت عنه الشيء اللي مزعلني عيل صغير السن مايسليني وبالله يامحبوب ماتظلمني وماتقول بطلت الغلا يزيني ****** رد عليها هو وقال ... مادام مالك حيلة ويش قربك للحب ومواويله وغير ليش بتخلي العيون غبينة ولو نشربه دمع العيون يرويني ونا كل صاحب بالهموم نشكيله يبكي معاي بدمع ويواسيني من فرقته مولي العيون كحيلة من القلب نا عاطيه كل حنيني إخترتك رفيق دون البنات بجيله وياريتني لا أخترتك لا أخترتيني ****** ردت عليه هي وقالت …. غير ليش يا غاليا وغير ليش في شعرك تلوم علية ولومك عاللي مصاحبه بنية ومعاه تبعث في الورق ويجيني ومعاه تبعث في الرسايل ليا كلام الرسايل فيه بتوصيني واليوم أهو خان دار السيا بالعيب بيكافيك ويكافيني نسا حبنا هو جاي يخطب فيا كيف الدبارة دلني وريني انا صابرة ونطلب الله عالية من شايب وولده يفكني ينجيني تعود الحياة وتعود روحي ليا ويبرا الجرح اللي كان بيكويني وأيام تكتب في قصايد غية وأيام تمشي معاي وتحاديني ******* رد عليها هو : قداش ماتلاقينا وقداش في وقت الظلام حكينا وقداش كنا شابكين إيدينا وقداش من ميعاد واعدتيني وكاس الغلا قداش فيه خذينا وكاس المحبة شربتيه وسقيتيني وقداش من مرسول بتوصينا كلام الرسايل ماعاد بيرضيني واليوم وليتي بعيدة علينا واليوم لا نلومك ولا تلوميني واليوم دامه الحظ مو مواتينا واليوم لا نعاتبك ولا تعاتبيني عروس غيرنا ماكش عروسه لينا يابنت لا نحاكيك لا تحاكيني مغير خوذي الرسايل خوذي وراقك وأرحلي يازينة وكفي دموعك واصبري ياعيني ******* ردت عليه وقالت : ناخذ رحيلي منك ومادام ترغب في رحيلي عنك تغيرت ياحبيبي معاي كنك بلا ذنب ليش اليوم بتجافيني ونا الشعر بنخليه يبقي فنك وإنت لدمع العين بتخليني ****** رد عليها هو وقال والله يامحبوبة فعلا الشايب كاثرات عيوبه أما الطفل عيل شيرته مذهوبة ولو كان يقدر من الوجود ينفيني ونحساب بتخشي معاي لجوبة في خير وإلا شر بتعاتبيني ولكن خسارة ياغزير هدوبه طلعتي ضعيفة نفس ماعجبتيني وبلا قلب وجروحي بدت معطوبة لابال قصة حبنا تبكيني وكل حد منا ينظره مكتوبة وأنا مسامحك وإنتي عليك سامحيني ويكفي غلا يزي غلا يكفيني ليش الغلا دامه عذاب يجيني
__________________
 |
|
|
|
2010-10-20, 06:27 PM
|
#2 |
|
إن خانك من تُعزّ فلا تحزن
تاريخ التسجيل: May 2010
الدولة: سوق الجمعة
المشاركات: 2,799
معدل تقييم المستوى: 16 |
الله الله
والله اقطع القلب لين دموعي في عيوني مني 5 نجوم قنوش
__________________
 نعيش كالبحر .. ونموت وأعماقنا كأعماقه .. لا يراها إلا من يجيد الغوص فيها كما يغوص الغواص في البحر |
|
|
|
|
2010-10-20, 06:33 PM
|
#3 | |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
اقتباس:
دموع مانبوش نجوم نبو عادى 
__________________
|
|
|
|
|
|
2010-10-20, 06:54 PM
|
#4 |
|
مبرمج المستحيل
تاريخ التسجيل: May 2010
الدولة: Libya
المشاركات: 2,924
معدل تقييم المستوى: 17 |
مشكور جدا قن شعر قوه
المحب ومحبوبته 
__________________
  |
|
|
|
|
2010-10-20, 08:32 PM
|
#5 |
|
رابد ثانوي
تاريخ التسجيل: Sep 2010
المشاركات: 151
معدل تقييم المستوى: 14 |
ملحمة شعرية رائعة
 وصية : بخر روحك خير ما ناخدوك بالعين  راك تنسى.. |
|
|
|
|
2010-10-21, 01:30 AM
|
#6 | |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
اقتباس:
لالالالالالالالالالالالالالالالالالا ردو بالكم فكونا من العين لانه اليوم طحت فى قهوة مرتين فى الدروح ودمعتى فى عيينى  والموقف كان محرج للغاية
__________________
|
|
|
|
|
|
2010-10-21, 01:39 AM
|
#7 |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
حسك خوفتنى يا مستر جبت الوشق وجيت طوى  وبخرت روحى
__________________
|
|
|
|
|
2010-10-21, 12:36 PM
|
#8 |
|
رابد خبير
تاريخ التسجيل: May 2010
الدولة: ارض الله
المشاركات: 2,380
معدل تقييم المستوى: 17 |
  والله تستاهل اكتر من 5 نجوم
__________________
كل الأمور على مايرام في النهاية ، إن لم تكن كذلك ، فتلك ليست النهاية |
|
|
|
|
2010-10-21, 04:24 PM
|
#9 | |
|
دكتور رابد
تاريخ التسجيل: Mar 2010
الدولة: ليبيا
المشاركات: 6,993
معدل تقييم المستوى: 21 |
اقتباس:
انى مش طماع انتى غير اعطينى حتى 5 نجوم بس
__________________
|
|
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لاتكن كالبحر الميت | BLOODY ROAR | مواضيع عامة | 4 | 2010-10-16 02:01 PM |
| حوار جميل مع متزوج | BLOODY ROAR | مواضيع عامة | 1 | 2010-09-13 03:05 PM |
| حوار بين المسلم والمسيحي واليهودي | BLOODY ROAR | مواضيع إسلامية عامة | 3 | 2010-08-25 07:08 PM |
| قصة أختى | لولو كاتى | مواضيع عامة | 4 | 2010-06-26 01:16 PM |
| شعر ليبي | عبسي الحمديني | مواضيع عامة | 0 | 2010-05-21 06:11 PM |
